قازاقستاندا جىلۋ باعاسى قىمباتتايدى

قىزىل ايماقتاعى 19 جەو-نى قالپىنا كەلتىرۋ ءۇشىن ءۇشىن 182 ملرد تەڭگە قاجەت ەكەنى انىقتالدى.

قازاقستاندا جىلۋ تاريفتەرىنىڭ ءوسۋى كۇتىلۋدە، دەپ حابارلايدى Almaty-akshamy.kz LS cىلتەمە جاساپ.

جىلۋ تاريفتەرىنىڭ ءوسۋى مۇمكىندىگى تۋرالى سەنات اياسىندا ۇلتتىق ەكونوميكا ءمينيسترى الىبەك قۋانتىروۆ ايتىپ بەردى.

«مەملەكەتتىك مەنشىكتەگى سۋبەكتىلەرگە ءوز جەلىلەرىن جاڭعىرتۋ قاجەت بولعاندىقتان كەلەسى جىلدىڭ ەكىنشى جارتىجىلدىعىندا تاريفتەردىڭ وزگەرۋى ورىن الادى»، - دەدى مينيستر.

مينيستر ءقازىر جىلۋ ەلەكتر ورتالىعى (جەو) توزۋىن ازايتۋ ماڭىزدى ەكەنىن ايتتى.

«تاريفتەردىڭ ءوسۋى توزۋدى شامامەن 15-20%-عا ازايتۋعا مۇمكىندىك بەرەدى. ءبىز جىلۋ ەلەكتر ستانسيالارىنىڭ توزۋ دەڭگەيى ەڭ جوعارى ايماقتار تۋرالى ايتىپ وتىرمىز. مىسالى، ەكىباستۇزدا سۋبەكت ءتاريفتى 2،5 ەسەگە ارتتىرۋدى ۇسىندى. ارينە، بۇل مۇمكىن ەمەس. ءبىراق جالپى ءتاريفتى وزگەرتۋ ماسەلەسىن تالقىلايمىز. تاريف كوتەرىلەدى، باسقا امال جوق. ءبىراق، مەن ايتقانىمداي، مۇندا ءبىز الەۋمەتتىك ماسەلەلەردى ەسكەرەمىز، ونى قوعاممەن تالقىلايمىز»، - دەپ تۇيىندەدى قۋانتىروۆ.

ەستەرىڭىزگە سالا كەتەيىك، بۇعان دەيىن جىلۋ ەنەرگەتيكاسىندا توزۋ دەڭگەيى ەڭ جوعارى ايماقتار اتالعان بولاتىن. قىزىل ايماقتاعى 19 جەو-نى قالپىنا كەلتىرۋ ءۇشىن ءۇشىن 182 ملرد تەڭگە قاجەت ەكەنى انىقتالدى.