قاسىم-جومارت توقايەۆ ەلىمىزدەگى دەنساۋلىق ساقتاۋ جۇيەسىن دامىتۋ باعىتىندا جۇزەگە اسىرىلىپ جاتقان شارالارعا ارنايى توقتالدى، دەپ حابارلايدى almaty-akshamy.kz
– ەلىمىزدە بارلىق بالانى پروفيلاكتيكالىق مەديسينالىق تەكسەرۋدەن وتكىزۋ ءىسى جولعا قويىلعان. ءاربىر ءىرى ەلدى مەكەندە جاستاردىڭ دەنساۋلىق ورتالىقتارى جۇمىس ىستەيدى دەۋگە بولادى. جىل سايىن ءۇش ميلليونعا جۋىق ەرەسەك ادام سكرينينگ جانە كاسىبي تەكسەرۋ باعدارلاماسىنان وتەدى. اۋىل تۇرعىندارىنىڭ مەديسينالىق قىزمەت الۋىنا بىردەي مۇمكىندىك جاساۋ ءۇشىن ءبىز ءبىرقاتار رەفورما جۇرگىزدىك. ناتيجەسىندە، 2018 جىلدان باستاپ اۋىلدارداعى العاشقى كومەك كورسەتۋ پۋنكتتەرىنىڭ سانى 3 ەسەدەن استام كوبەيدى. سونىمەن قاتار تەلەمەديسينا جانە قاشىقتان مونيتورينگ جاساۋ سياقتى سيفرلىق تەحنولوگيالار بەلسەندى تۇردە ەنگىزىلىپ جاتىر. بۇل العاشقى مەديسينالىق كومەكتىڭ قولجەتىمدىلىگىن ايتارلىقتاي ارتتىرادى، – دەدى مەملەكەت باسشىسى.
پرەزيدەنت ءسوزىن قورىتىندىلاي كەلە، دۇنيەجۇزىلىك دەنساۋلىق ساقتاۋ ۇيىمىنىڭ قولداۋىمەن مەملەكەتتەردىڭ مەديسينالىق-سانيتاريالىق العاشقى كومەك جونىندەگى كواليسياسىن قۇرۋدى ۇسىندى. بۇل بىرلەستىك دەنساۋلىق ساقتاۋ جانە اۋرۋدىڭ الدىن الۋ قاعيداتتارىن ودان ءارى ىلگەرىلەتۋگە، مەديسينالىق-سانيتارلىق العاشقى كومەكتى دامىتۋ جونىندەگى بىرلەسكەن ۇسىنىمدار ازىرلەۋگە مۇمكىندىك بەرەدى.
- قاسىم-جومارت توقايەۆ مەديسينالىق-سانيتاريالىق العاشقى كومەك كورسەتۋ سالاسىن، جالپى دەنساۋلىق ساقتاۋ جۇيەسىن ودان ءارى دامىتۋدا جاستارعا زور سەنىم ارتاتىنىن اتاپ ءوتتى.
- مەملەكەت باسشىسى جاستارمەن كەزدەسكەن سايىن سپورتپەن شۇعىلدانۋدىڭ ماڭىزدىلىعى تۋرالى ايتاتىنىن ەسكە سالىپ، ولاردى ەڭبەكقور جانە ماقساتتارىنا ادال بولۋعا شاقىردى.