eGov.kz پورتالىن پايدالانۋشىلار ەندى جۇرگىزۋشى كۋالىگىن جارامدىلىق مەرزىمى اياقتالعان، جوعالعان نەمەسە ۇرلانعان كەزدە عانا ەمەس، سونداي-اق تەگى، اتى جانە اكەسىنىڭ اتى وزگەرگەن كەزدە دە الا الادى، دەپ حابارلايدى aqshamnews.kz.
"ەندى جۇرگىزۋشى كۋالىكتەرىن اۋىستىرعان كەزدە پايدالانۋشىلار بۇرىن الىنعان جەكە كۋالىگى مەن پاسپورتىنان (3 جىلدان اسپايتىن قۇجاتتار) ءوز فوتوسىن ورناتۋ مۇمكىندىگى پايدا بولدى. باستى شارتى سۋرەتى پايدالانىلاتىن قۇجات 3 جىلدان ارتىق بولماۋى كەرەك".
بۇدان باسقا ازاماتتارعا ىڭعايلى بولۋ ءۇشىن دايىن قۇجاتتاردى الۋعا بولاتىن حقكو بولىمشەلەرىنىڭ ءتىزىمى كەڭەيتىلدى. ەندى جۇرگىزۋشى كۋالىگىن تەك مامانداندىرىلعان حقكو-دا عانا المايسىز. ونلاين-سۇراۋ سالۋ كەزىندە جۇرگىزۋشى كۋالىگىن قايتا شىعارۋ 60 مينۋتتى، ارنايى حقكو بولىمشەلەرىندە – 120 مينۋتتى الادى.
قىزمەتتى ءۇش رەت باسىپ الۋعا بولادى:
- eGov.kz پورتالىندا اۆتوريزاسيا جاساڭىز جانە "كولىك جانە كوممۋنيكاسيا" بولىمىنە ءوتىڭىز؛
- قىزمەتتەر تىزىمىنەن "جۇرگىزۋشى كۋالىگىن الۋ" تارماعىن تاڭداڭىز جانە بارلىق قاجەتتى ورىستەردى تولتىرىڭىز؛
- ەسق كومەگىمەن قىزمەتكە قول قويىڭىز.
قىزمەت ناتيجەسىمەن جەكە كابينەتتە تانىسۋعا بولادى. پايدالانۋشىعا حابارلاما قىزمەتتى الۋ تاسىلىنە قاراي (ونلاين نەمەسە وفلاين) 60 نەمەسە 120 مينۋتتىڭ ىشىندە كەلەدى.