بۇل قىزمەتكە جۇگىنەتىندەر سانى ەكىنشى جىل قاتارىنان قىسقارىپ، كورسەتكىش مينۋس 17%-دى قۇراعان.
ترافيكتىڭ قىسقارۋىنا قاراماستان، كومپانيانىڭ كىرىسى 24%-عا وسكەن، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
2021 جىلعى قاڭتار-قاراشادا رەسپۋبليكا بويىنشا اۆتوموبيل جانە قالالىق ەلەكتر كولىگىمەن 6،6 ملرد ادام تاسىمالداندى، بۇل ءبىر جىل بۇرىنعىدان 17،1%-عا از. 2020 جىلعى «كورونا داعدارىسىندا» بۇل كورسەتكىش 8 ميلليارد ادامدى قۇرادى.
وڭىرلىك تۇرعىدان العاندا، الماتىدا جولاۋشىلار كوپ قاتىنايدى: 1،8 ملرد ادام نەمەسە قازاقستان رەسپۋبليكاسىنىڭ 27،8%-ى. ۇزدىك ۇشتىككە قوستاناي مەن پاۆلودار وبلىستارى دا كىردى. ەڭ از جولاۋشىلار تاسىمالى ماڭعىستاۋ وبلىسىندا.
2021 جىلدىڭ ون ءبىر ايىندا قازاقستان رەسپۋبليكاسىنداعى جولاۋشىلار تاسىمالىنىڭ ۇشتەن ەكىسى اۆتوبۋستارعا تيەسىلى بولدى: 4،4 ملرد ادام – ءبىر جىل بۇرىنعىدان 21،1%-عا از. قازاقستاندىقتار اراسىندا تاكسي قىزمەتى دە تانىمال: 2،2 ملرد ادام، جىلىنا مينۋس 8،5%.
25،5 ميلليون ادام ترامۆايمەن، 24،8 ميلليون ادام تروللەيبۋسپەن تاسىمالداندى.
3 ملرد تونناداي جۇك تاسىمالداندى، بۇل ءبىر جىل بۇرىنعىدان 0،4%-عا از. جۇك اينالىمى 2%-عا تومەندەپ، 141،8 ملرد تكم قۇرادى.
2021 جىلدىڭ قاڭتار-قاراشا ايلارىندا كاسىپورىنداردىڭ كىرىسى ءبىر جىلدا 23،9%-عا ءوسىپ، 275،1 ملرد تەڭگەنى قۇرادى. ونىڭ ىشىندە جۇك تاسىمالداۋدان تۇسكەن تابىس 190،7 ملرد تەڭگە، جولاۋشى تاسىمالداۋدان تۇسكەن قارجى كولەمى 84،4 ملرد تەڭگەنى قۇرادى.
اۆتوبۋستارمەن تاسىمالداۋدان 74،2 ملرد تەڭگە، تاكسي قىزمەتىنەن 3،9 ملرد تەڭگە، ترامۆايمەن تاسىمالداۋدان 1،6 ملرد تەڭگە، تروللەيبۋسپەن تاسىمالداۋدان 1،5 ملرد تەڭگە كىرىس ءتۇستى.
بۇگىنگە دەيىن اكىمدىكتەردىڭ جەدەل مالىمەتتەرى بويىنشا، ەلىمىزدىڭ 8 وبلىسىندا 53 مەملەكەتتىك نىسان جانە 151 شوب نىسانىنا زيان كەلتىرىلدى، دەپ حابارلاندى قازاقستان رەسپۋبليكاسى پرەمەر-مينيسترىنىڭ رەسمي رەسۋرسىندا.
كولىك سەكتورىنىڭ جۇمىسىنا كەلەتىن بولساق، بارلىق وڭىرلەردە قالالىق اۆتوبۋس تاسىمالى تولىعىمەن قالپىنا كەلتىرىلدى. رەسپۋبليكالىق ماڭىزى بار جولداردا اۆتوكولىكتەردىڭ قوزعالىسىنا شەكتەۋلەر جوق.