الماتى قالاسىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسىندا قالا اكىمى قالادا بولعان مۇنارا كرانى بار توتەنشە جاعداي تاقىرىبىن قوزعاپ، جاۋاپتى ورگاندارعا ءتيىستى تاپسىرمالار بەردى دەپ حابارلايدى almaty-akshamy.kz
ەسكە سالساق، 23 قاڭتاردا الماتىداعى تاۋگۇل شاعىن اۋدانىنداعى قۇرىلىس الاڭىندا مۇنارا كرانى قۇلاعان بولاتىن. توتەنشە جاعداي سالدارىنان 49 جاستاعى كرانشى ومىرىنە ءقاۋىپ كەلتىرگەن جاراقات الىپ، جەدەل جاردەم كەلگەنگە دەيىن قايتىس بولدى.
الماتى اكىمىنىڭ ورىنباسارى م. ازىربايەۆ الدىن الا دەرەكتەر بويىنشا توتەنشە جاعداي كران قۇرىلىمىنىڭ توزۋىنا بايلانىستى بولعانىن حابارلادى.
«بۇل تەرگەۋ جانە تەحنيكالىق جاعدايدى تەكسەرۋ بارىسىندا انىقتالادى»، - دەدى ول.
تجم ونەركاسىپتىك قاۋىپسىزدىك كوميتەتى دەپارتامەنتىنىڭ مالىمەتىنشە، قالانىڭ قۇرىلىس الاڭدارىندا ءتيىستى رۇقسات العان 114 مۇنارا كراندارى بار.
الماتى اكىمى وسىنداي توتەنشە جاعدايدىڭ قايتالانۋىنا جول بەرمەۋ ءۇشىن بارلىق مۇنارا كراندارىنىڭ تەحنيكالىق جاعدايىن تەكسەرۋدى تاپسىردى.