قازاقستاندا جول قۇرىلىسى جۇمىستارىندا پايدالانىلاتىن بيتۋمداردىڭ ساپاسى تەكسەرىلىپ جاتىر

مونيتورينگ جالعاساتىن بولادى.

قازاقستان ماماندارى ساپاسىز بيتۋمدى پايدالانۋدىڭ الدىن الۋ ماقساتىندا تەكسەرۋ جۇمىستارىن جۇرگىزىپ جاتىر، دەپ حابارلايدى Almaty-akshamy.kz.

«كوزدەلگەن نەگىزگى ماقسات — قۇرىلىس نىساندارىن، اۆتوموبيل جولدارىن رەكونسترۋكسيالاۋ مەن جوندەۋ جۇمىستارىن ساپالى بيتۋممەن قامتاماسىز ەتۋ، سونداي-اق ساپاسىز ءونىمدى پايدالانۋ فاكتىلەرىنىڭ الدىن الۋ»، - دەلىنگەن ق ر ييدم باسپا ءسوز قىزمەتىنىڭ حابارلاماسىندا. 

زەرتتەۋ جۇمىستارى ق ر ست 1373-2013 تالاپتارىنا سايكەس جۇرگىزىلەدى. بۇگىنگى تاڭدا قازجولعزي زەرتحانالارىندا "پمحز" ج ش س جانە "قازاقبيتۋم" ج ش س سىندى وندىرۋشىلەر جاساپ شىعارعان بيتۋمداردىڭ 8 سىناماسى بويىنشا زەرتتەۋ جۇرگىزىلدى. بيتۋمدار ءوندىرۋشى زاۋىتتاردىڭ تالاپتارىنا سايكەس زەردەلەندى. تەكسەرۋ ناتيجەلەرى بويىنشا زاۋىتتاردىڭ بيتۋمدارى مالىمدەلگەن نورماتيۆتىك قۇجاتتاردىڭ تالاپتارىنا سايكەس كەلەتىنى انىقتالدى. ايتا كەتەرلىگى، بيتۋم سىنامالارى "ءوندىرۋشى زاۋىتتاردان"، سونداي-اق اۆتوموبيل جولدارىن سالۋ، رەكونسترۋكسيالاۋ جانە جوندەۋ وبەكتىلەرىنەن الىنعان.  

ساپاسىز بيتۋمدى پايدالانۋدىڭ الدىن الۋ ماقساتىندا تاۋار ساپاسىنا جاسالاتىن مونيتورينگ جالعاساتىن بولادى. مونيتورينگ ناتيجەلەرى ەلىمىزدىڭ ءتۇرلى جول-كليماتتىق ايماقتارىندا بيتۋمنىڭ ءارتۇرلى ماركالارىن قولدانۋ سالاسىن بەلگىلەۋ ءۇشىن پايدالانىلادى دەپ جوسپارلانۋدا.