بولاشاقتا مەملەكەتتىك قىزمەتتەردى پيلوتتىق جوبا اياسىندا ەلەكتروندى فورماتتا جۇزەگە اسىرۋ جۇرگىزىلەدى.
ق ر يندۋستريا جانە ينفراقۇرىلىمدىق دامۋ مينيسترلىگى جەر قويناۋىن پايدالانۋ سالاسىن سيفرلاندىرۋ جۇمىستارىن جۇرگىزۋدە. بۇل باعىتتاعى پروسەستەر ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن بىرلەسە جۇزەگە اسىرىلۋدا، دەپ حابارلايدى Almaty-akshamy.kz.
«سيفرلاندىرۋ جۇمىستارى 4 كەزەڭدى قامتيدى. اتاپ ايتقاندا، قاتتى پايدالى قازبالاردى بارلاۋعا ليسەنزيا بەرۋ، قاتتى پايدالى قازبالاردى وندىرۋگە ليسەنزيا بەرۋ، جەر قويناۋىن پايدالانۋشى رەجيمىنە ءوتۋ شەڭبەرىندە ليسەنزيا بەرۋ جانە جەر قويناۋىن پايدالانۋ تۋرالى شارتتارعا تۇزەتۋلەر ەنگىزۋ بويىنشا قوسىمشا كەلىسىمدى بەكىتۋ سىندى قۇجاتتىق راسىمدەر قاراستىرىلعان»،- دەلىنگەن ييدم باسپا ءسوز قىزمەتىنىڭ حابارلاماسىندا.
كەيىن اتالعان مەملەكەتتىك قىزمەتتەردى پيلوتتىق جوبا اياسىندا ەلەكتروندى فورماتتا جۇزەگە اسىرۋ جۇرگىزىلەدى.
«جەر قويناۋىن پايدالانۋ سالاسىن سيفرلاندىرۋ ەلىمىزدىڭ ينۆەستيسيالىق تارتىمدىلىعىن ارتتىرىپ، بۇل تاراپتا قاجەتتى قۇجاتتار سانىن ايتارلىقتاي ازايتۋعا سەپتىگىن تيگىزەدى. سونىمەن قاتار بۇل پروسەسس ءتۇرلى اكىمشىلىك كەدەرگىلەرگە توسقاۋىل قويىپ، ليسەنزيا بەرۋ كەزىندەگى اشىقتىقتى قامتاماسىز ەتەدى»،- دەلىنگەن ق ر ييدم باسپا ءسوز قىزمەتىنىڭ حابارلاماسىندا.