«كۇمىس جاس» جوباسىنا زەينەتكە شىعۋىنا 2 جىل قالعان تۇرعىندار قاتىسا الادى.
الماتىدا زەينەت جاسىنا جاقىنداعان ازاماتتار ءۇشىن جۇمىسقا ورنالاسۋ مۇمكىندىگى ۇسىنىلىپ وتىر، دەپ حابارلايدى Almaty-akshamy.kz.
حالىقتى جۇمىسپەن قامتۋ ورتالىعىنداعى «كۇمىس جاس» جوباسىنا زەينەتكەرلىككە 2 جىل قالعان تۇرعىندار قاتىسا الادى. باعدارلاماعا قاتىسۋ مەرزىمى 12 ايدان اسپايدى. ورتالىقتا تاجىريبەسى جوق جۇمىسسىز جاستاردىڭ دا قىزمەتكە ارالاسۋىنا جاعداي جاسالۋدا.
«الماتى قالاسى اكىمدىگىنىڭ حالىقتى جۇمىسپەن قامتۋ ورتالىعى وسى ەڭبەك نارىعىندا جاقىندا عانا ءوزىنىڭ 11 جىلدىعىن اتاپ ءوتتى. وسى ورايدا بىرنەشە مەملەكەتتىك باعدارلامالاردى ىسكە اسىردىق. ەڭبەك نارىعىندا قازىرگى تاڭدا قىزمەت كورسەتۋ سالاسىنداعى ماماندار تاپشى بولىپ تۇر: ساتۋشىلار، كاسسيرلەر. قىركۇيەكككە قاراي ءپان مۇعالىمدەرىنە، بالاباقشا تاربيەشىلەرى كەرەك بولادى، ستاتيستيكا باسقارماسىنا قازىرگى تاڭدا ەسەپشىلەر قاجەت بولىپ تۇر»، - دەيدى حالىقتى جۇمىسپەن قامتۋ ورتالىعى ءبولىمىنىڭ مامانى گۇلزينات راحمانبەردى قىزى.