ساراپشىلار قاتىگەزدەردىڭ كورسەتكىشى 6%-عا وسكەنىن ايتادى.
وتكەن جىلمەن سالىستىرعاندا، قازاقستاندا جانۋارلارعا قاتىگەزدىكپەن قارايتىندار سانى 6،5% ءوسىپ، ۇستىمىزدەگى جىلدىڭ التى ايىندا قۇقىق قورعاۋشىلار جاناۋارلارعا قاتىگەزدىكپەن قاراعان 33 وقيعانى تىركەگەن، دەپ حابارلايدى Almaty-akshamy.kz Ranking.kz سايتىنا سىلتەمە جاساپ.
سونىمەن قاتار، ۇستىمىزدەگى جىلدىڭ التى ايىندا زاڭسىز اڭ اۋلاۋدىڭ 48 فاكتىسى، بالىق رەسۋرستارىن، باسقا سۋ جانۋارلارى مەن وسىمدىكتەرىن زاڭسىز الۋدىڭ 132 فاكتىسى، سيرەك كەزدەسەتىن جانە قۇرىپ كەتۋ ءقاۋپى تونگەن، سونداي -اق تىيىم سالىنعان وسىمدىكتەر مەن جانۋارلاردىڭ تۇرلەرىمەن زاڭسىز اينالىسۋدىڭ 135 فاكتىسى تىركەلگەن.
مۇنىمەن قوسا ەكولوگتار دا زارداپ شەكتى. ماسەلەن، بيىل جانۋارلار دۇنيەسىن قورعاۋ جونىندەگى مەملەكەتتىك ينسپەكتورعا، جانۋارلار دۇنيەسىن قورعاۋ جونىندەگى مامانداندىرىلعان ۇيىم ينسپەكتورىنا، اڭشىعا قاتىستى 3 زورلىق-زومبىلىق وقيعاسى تىركەلگەن.
رەسپۋبليكا بويىنشا جاناۋارلارعا قاتىگەزدىكتى كوپ جاعدايدا الماتى وبلىسىنىڭ، استانانىڭ جانە شىمكەنتتىڭ تۇرعىندارى كورسەتكەنى انىقتالعان. ۇستىمىزدەگى جىلدىڭ باسىنان بەرى وسى ءوڭىردىڭ ءارقايسىسىندا وسىنداي بەس قىلمىستىق قۇقىق بۇزۋشىلىق تىركەلگەن.
جاعىمسىز رەيتينگتىڭ ءتورتىنشى جانە بەسىنشى جولدارىن الماتى قالاسى مەن قاراعاندى وبلىسى الدى.
ەستەرىڭىزگە سالا كەتەيىك، قازاقستاندا زاڭ جوباسى ازىرلەنگەن بولاتىن، بۇل قۇجات بويىنشا جانۋارلارعا قاتىگەزدىك كورسەتكەنى ءۇشىن ناقتى جازا الۋعا بولادى، دەپ حابارلايدى zakon.kz.
سونىمەن، بۇزاقىلىق نيەتپەن ولىمگە نەمەسە جاراقاتقا اكەپ سوقتىراتىن اۋىرتپالىقتى تۋدىرعان نەمەسە ءوزىمشىل نيەتپەن جانۋارعا قاتىگەز قارىم -قاتىناس جاساعانى ءۇشىن 2000 اەك-كە دەيىنگى ايىپپۇلمەن، تۇزەۋ جۇمىستارىمەن نەمەسە قوعامدىق جۇمىستارعا تارتۋمەن جازالانادى. 600 ساعاتقا دەيىن نەمەسە ەكى جىلعا دەيىن باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ قاراستىرىلعان.
