كوروناۆيرۋس ءومىردىڭ بارلىق سالاسىنا كەسىرىن تيگىزىپ وتىرعانى راس. ونىڭ ىشىندە ەڭ وكىنىشتىسى جانە سالدارى جاعىنان بولاشاققا قيىن تيەتىنى – ءبىلىم سالاسىنىڭ ونلاينعا كوشكەنى بولدى.
COVID-19 تارالۋىنا جول بەرمەۋ جونىندەگى ۆاك-تىڭ مالىمەتىنشە، كوۆيدتىك احۋالداعى الەم ەلدەرىنىڭ جاعدايى بىر-بىرىنە ۇقساس. قازاقستاندا ءبىر عانا تاۋلىكتە 7 769 ادامنىڭ كوروناۆيرۋسپەن اۋىرعانى پتر ارقىلى راستالدى، دەپ حابارلايدى Almaty-akshamy.kz
جۇڭگو بيلىگى كوروناۆيرۋسقا بايلانىستى وقۋ جىلىنىڭ باستالۋىن كەيىنگە قالدىرۋى مۇمكىن. سينحۋا اگەنتتىگىنىڭ مالىمەتىنشە، مەكتەپ باسشىلارى مەن جەرگىلىكتى باسقارۋ ورگاندارىنا جاعدايدىڭ وربۋىنە بايلانىستى بارلىق مۇمكىن سەنارييلەرگە مۇقيات دايىندالۋعا نۇسقاۋ بەرىلگەن.
امەريكا اكىمشىلىگى سىرتتان كەلگەن بارلىق شەتەلدىكتەردەن تولىق ۆاكسينالانۋىن تالاپ ەتەتىن ءىس-شارالار كەشەنىن ازىرلەپ جاتىر. بۇل تۋرالى سارسەنبىدە اق ءۇيدىڭ وكىلى Reuters اگەنتتىگى حابارلادى.
ءبىرقاتار ەلدەردە كوروناۆيرۋسپەن اۋىراتىنداردىڭ سانى بويىنشا انتيرەكوردتار انىقتالدى: مالايزيادا 20 596 جاعداي، جاپونيادا 14 211 جاعداي، وزبەكستاندا 951 جاعداي انىقتالدى. سونىمەن قاتار، توكيودا 5 042 جاعداي تىركەلدى.
رەسەيلىك «ەپيۆاككورونا» ۆاكسيناسىنىڭ تيىمدىلىگى ەكپە سالدىرعاننان كەيىنگى 42-كۇنى شامامەن 80% قۇرادى. كوروناۆيرۋسقا قارسى IgG انتيدەنەلەرى ارالىق كلينيكالىق زەرتتەۋلەر كەزىندە ەرىكتىلەردىڭ 79%-ىندا انىقتالدى. تاۋەلسىز تەكسەرۋگە 2 999 ادام قاتىستى. زەرتتەۋدىڭ الدىن الا ناتيجەلەرى ۆاكسينانىڭ يممۋنولوگيالىق تيىمدىلىگىن كورسەتەدى. «ەپيۆاككورونا» - «ۆەكتور» مەملەكەتتىك عىلىمي ورتالىعى پەپتيدتىك پلاتفورمادا جاساعان ۆاكسينا.
ۋكراينا ازاماتتارى كوروناۆيرۋس ينفەكسياسىنا قارسى Pfizer جانە Moderna-نى تاڭدايدى. وتكەن تاۋلىكتە ۋكرايندىقتاردىڭ ۆاكسينالاۋ بويىنشا رەكوردتىق سانى تىركەلدى – 159 121 ادام: 95 690 ءبىرىنشى دوزاسىن السا، ەكىنشى كومپونەنتىن 63 431 ادام سالدىرعان. قازىرگى ۋاقىتتا بۇل ەلدە COVID-19 ۆاكسينالارىنىڭ 4 ءتۇرى قولدانىلادى - Pfizer/BioNTech، مoderna، CoronaVac، AstraZeneca. العاشقى ەكى ءتۇرى ەڭ كوپ تاڭداۋعا يە بولدى. يممۋنداۋ ناۋقانى باستالعاننان بەرى 6 070 323 ەكپە جاسالدى. 3 855 095 ادام ءبىرىنشى دوزامەن، 2 215 230 ەكىنشى دوزامەن ۆاكسينالاندى.
الەم 200 ملن-دىق مەجەگە جەتتى . ءبىر اپتا بۇرىن دجونس حوپكينس ۋنيۆەرسيتەتى كۆي ينفەكسياسى تۋرالى جاساعان بولجامىنا الەم بىرنەشە كۇندە-اق جەتتى. ستاتيستيكاعا سايكەس، انىقتالعان COVID-19 ەپيزودتارىنىڭ جالپى سانى 200 014 602ء-دى قۇرادى، ەپيدەميادان زارداپ شەككەندەر سانى - 4 252 873 ادام.
اقش-تا ۆيرۋس جۇقتىرۋ بويىنشا 35 292 721 جاعداي انىقتالدى جانە 614 666 ادام قايتىس بولدى، بۇل الەمدەگى ەڭ جوعارى كورسەتكىش. ودان كەيىن 31 769 132 دەرەكپەن ءۇندىستان ەكىنشى ورىندا تۇر. العاشقى ۇشتىكتەگى تاعى ءبىر ەل - برازيليادا 19 985 817 جاعداي ورىن العان. 4 ملن جانە ودان دا جوعارى كورسەتكىش رەسەي، فرانسيا، ۇلىبريتانيا، تۇركيا، ارگەنتينا، كولۋمبيا، يسپانيا، يتاليا جانە يراندا تىركەلدى. ۆاكسينا الماعان ادامدار كوز جۇمۋدىڭ جوعارى ءقاۋپى بار تاۋەكەل توبىندا.
لاتۆيادا ماۋسىم ايىندا قايتىس بولعانداردىڭ 99،2%ء-ى COVID-19 سالدارىنان كوز جۇمعان، ونىڭ 117ء-سى - ۆاكسينا سالدىرماعاندار. باسقالارى ەكپە كۋرسىن تولىعىمەن اياقتاماعان. COVID-19 بويىنشا اۋىر اسقىنۋلارمەن اۋرۋحاناعا تۇسكەندەردىڭ باسىم كوپشىلىگى - سوزىلمالى اۋرۋلارى بار ەگدە جاستاعى ناۋقاستار. لاتۆيانىڭ اۋرۋلاردىڭ الدىن الۋ جانە باقىلاۋ ورتالىعى COVID-19 ۆاكسيناسىنان وتكەن ادامدار اراسىندا ۆيرۋسقا شالدىعۋ دەرەكتەرى از تىركەلەتىندىگىن، ال جۇقتىرعان جاعدايدا اۋرۋ جەڭىل تۇردە جۇرەتىندىگىن جانە سيرەك جاعدايلاردا ستاسيونارلىق ەم تالاپ ەتىلەتىندىگى تۋرالى مالىمدەدى.