جاڭا پارتيا مەملەكەتتىك تىركەۋدەن ءوتتى.
«بايتاق» پارتياسى مەملەكەتتىك تىركەۋدەن ءوتتى. بۇل تۋرالى اتالعان ساياسي ۇيىمنىڭ جەتەكشىسى ازاماتحان ءامىرتاي الەۋمەتتىك جەلىدە جازدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ادىلەتتى قازاقستانعا سەنىمدى قادام - «بايتاق» جاڭا پارتياسى مەملەكەتتىك تىركەۋدەن ءوتتى. پرەزيدەنتىمىز قاسىم-جومارت كەمەل ۇلى تاراپىنان كوپ پارتيالى جۇيە قۇرۋ تاپسىرماسى بولدى. ايتىلدى - ورىندالدى! ادىلەتتى قازاقستاننىڭ العاشقى پارتياسى - ناعىز حالىقتىڭ قولداۋىمەن، قورشاعان ورتا جاناشىرلارىنىڭ باسىن قوسقان، ازاماتتىق بەلسەندىلەردىڭ باستاماسىمەن قۇرىلعان «بايتاق» پارتياسى»، - دەپ جازدى ول Facebook پاراقشاسىندا.
بۇل اقپاراتتى ەلىمىزدىڭ ادىلەت مينيسترلىگى دە رەسمي راستادى.