حالىقتىڭ وسال توپتارىنا مەملەكەت جان-جاقتى كومەك كورسەتەدى، ولاردى قولداۋعا ميللياردتاعان قارجى شىعىندالادى.
ەندى بۇل ىسكە قوعامنىڭ تەك وسى قاباتىن عانا قورعايتىن جەكە ومبۋدسمەن ينستيتۋتى پايدا بولادى، دەپ حابارلايدى Almaty-akshamy.kz
ەڭبەك جانە حالىقتى الەۋمەتتىك قورعاۋ مينيسترلىگى ەلەڭ ەتكىزەتىن قۇجاتتى جاريالادى. ول «حالىقتىڭ الەۋمەتتىك جاعىنان ءالسىز ساناتتارى قۇقىقتارى جونىندەگى ۋاكىل ينستيتۋتىن قۇرۋ تۋرالى» پرەزيدەنتتىڭ وكىمىنىڭ جوباسى دەپ اتالادى.
اتى ايتىپ تۇرعانداي، وعان قاسىم-جومارت توقايەۆ قول قويعاننان كەيىن قازاقستاندا تەك قانا ءحاوت-تاردى (حالىقتىڭ الەۋمەتتىك وسال توپتارىن) قورعايتىن جاڭا ومبۋدسمەن تاعايىندالادى.
«قازاقستاندا حالىقتىڭ الەۋمەتتىك ءالسىز ساناتتارىنىڭ قۇقىقتارى مەن زاڭدى مۇددەلەرىن قورعاۋ جۇيەسىن جەتىلدىرۋ ماقساتىندا قاۋلى ەتەمىن: 1. قازاقستاندا ءوز قىزمەتىن قوعامدىق باستامادا جۇزەگە اسىراتىن حالىقتىڭ الەۋمەتتىك جاعىنان ءالسىز ساناتتارى قۇقىقتارى جونىندەگى ۋاكىل ينستيتۋتى (بۇدان ءارى – ۋاكىل) قۇرىلسىن»، – دەلىنگەن وكىم جوباسىندا.
ياعني، قىزمەتى بيۋدجەتتەن قارجىلاندىرىلاتىن، سالماقتى جالاقى الاتىن ادام قۇقىقتارى جونىندەگى ۋاكىلدەن ايىرماشىلىعى سول، جاڭا ومبۋدسمەن جالاقىسىز، قوعامدىق نەگىزدە جۇمىس ىستەيدى. بۇل لاۋازىم وعان تەك مارتەبە مەن اتاق اپەرەدى.
قۇجاتتا جاڭا ۋاكىلدىڭ نەگىزگى ماقساتى «حالىقتىڭ الەۋمەتتىك ءالسىز ساناتتارىنىڭ قۇقىقتارى مەن زاڭدى مۇددەلەرiءنىڭ نەگىزگى كەپىلدىكتەرىن قامتاماسىز ەتۋ، سونداي-اق ولاردىڭ قۇقىقتارى بۇزىلعان جاعدايلاردا قالپىنا كەلتiرۋ بولىپ تابىلاتىنى» اتاپ كورسەتىلگەن.
وكىمنىڭ ورىندالۋىن باقىلاۋ پرەزيدەنت اكiمشiلiگiنە جۇكتەلەدى. قۇجات قول قويىلعان كۇنىنەن باستاپ قولدانىسقا ەنگىزىلەدى.
وكىمدە ءسوز بولىپ وتىرعان ءحاوت (ورىسشا سۋسن دەپ اتايدى) ساناتىنا جاتاتىنداردىڭ قاتارى ۇلكەن، بۇلار:
ۇلى وتان سوعىسىنىڭ قاتىسۋشىلارى مەن مۇگەدەكتەرى؛
سولارعا تەڭەستىرىلگەن تۇلعالار؛
ءبىرىنشى جانە ەكىنشى توپتاعى مۇگەدەكتەر، مۇگەدەكتىگى بار بالالاردى تاربيەلەۋشى وتباسىلار؛
ۇكىمەت بەكىتكەن تىزىمدە كەلتىرىلگەن ءبىرقاتار سوزىلمالى اۋرۋلاردىڭ اۋىر تۇرلەرىمەن اۋىراتىن تۇلعالار؛
زەينەتكەرلەر؛
جەتىم بالالار، 29-عا تولماعان، اتا-اناسىنىڭ قامقورلىعىنسىز قالعان بالالار؛
قانداستار (ورالماندار)؛
ەكولوگيالىق اپات، تابيعي جانە تەحنوگەندىك سيپاتتاعى تج سالدارىنان باسپاناسىنان ايىرىلعان ادامدار؛
كوپ بالالى انالار، كوپ بالالى وتباسىلار؛
مەملەكەتتىك، قوعامدىق مىندەتتەردى، اسكەري قىزمەتتى ورىنداۋ، قوعامدىق ءتارتىپتى قورعاۋ كەزىندە قازا تاپقان تۇلعالاردىڭ وتباسىلارى؛
تولىق ەمەس وتباسىلار، جالعىزباستى انالار.
بۇل ساناتتاعىلاردىڭ قۇرامى قانشالىقتى ءار الۋان بولسا، ولاردىڭ شاعىمى دا ءارقيلى بولىپ كەلەدى. جاڭا ومبۋدسمەنگە سونىڭ بارىمەن اينالىسۋعا تۋرا كەلمەك.