قازاقستاندا جاڭا كەن ورىندارى اشىلۋى مۇمكىن

ايتارلىقتاي پەرسپەكتيۆالار بار.

ەكولوگيا، گەولوگيا جانە تابيعي رەسۋرستار مينيسترلىگىنە قاراستى گەولوگيا كوميتەتىنىڭ ءتوراعاسى تالعات ساتييەۆ مالىمدەگەندەي، رەسەي جانە قىتايمەن شەكارالاس الاڭداردا جاڭا قورعاسىن-مىرىش كەن ورىندارى اشىلۋى مۇمكىن، دەپ حابارلايدى Almaty-akshamy.kz Egemen.kz. 

«قازاقستاندا جاڭا كەن ورىندارىن اشۋ ءۇشىن ايتارلىقتاي پەرسپەكتيۆالار بار. اقمولا جانە قوستاناي وبلىستارىنىڭ، ورتالىق، شىعىس جانە وڭتۇستىك وڭىرلەردىڭ الاڭدارىندا التىننىڭ كەن ورىندارى بار. ورتالىق جانە وڭتۇستىك قازاقستاندا، كەندى التايدا، سونداي-اق رەسەي جانە قىتايمەن شەكارالاس الاڭداردا جاڭا قورعاسىن-مىرىش كەن ورىندارى اشىلۋى مۇمكىن»، دەدى كوميتەت ءتوراعاسى ورتالىق كوممۋنيكاسيالار قىزمەتىندە وتكەن بريفينگتە.

ونىڭ ايتۋىنشا، ەلىمىزدە ۆولفرام، موليبدەن، اليۋمينيي، قالايى سياقتى سيرەك كەزدەسەتىن پايدالى قازبالاردىڭ جاڭا كەن ورىندارىن اشۋ پەرسپەكتيۆالارى جەتەرلىك.

«مەملەكەت باسشىسىنىڭ تاپسىرماسىنا سايكەس، 2021-2025 جىلدارعا ارنالعان «گەولوگيا سالاسىن دامىتۋ» باعىتىن قامتيتىن «قازاقستاندىقتاردىڭ ءال-اۋقاتىن ارتتىرۋعا باعىتتالعان ورنىقتى ەكونوميكالىق ءوسۋ» ۇلتتىق جوباسى قابىلداندى. ونىڭ اياسىندا زەرتتەۋلەردىڭ جالپى اۋدانى 2026 جىلعا قاراي 680 مىڭ شارشى شاقىرىمنان اسادى»، دەدى تالعات ساتييەۆ.