2022 جىلدان باستاپ بۇرىن كوتەرىلمەگەن ساناتتاردىڭ تابىسى ارتادى
2022 جىلدان باستاپ قازاقستاندا بيىلعى جىلى تابىسى وسپەگەن مامانداردىڭ جالاقىسىن كوتەرۋ باستالادى، دەپ حابارلايدى Almaty-akshamy.kz LS-كە سىلتەمە جاساپ.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، 2022 جىلدان باستاپ بۇرىن كوتەرىلمەگەن ساناتتاردىڭ تابىسى ارتاتىن بولادى. ولارعا مۇراعاتشىلار، كىتاپحاناشىلار، مۋزەيتانۋشىلار، ورمانشىلار، تەحنيكالىق قىزمەتكەرلەر جانە باسقالار جاتادى. بارلىعى 588 مىڭ ادام. جالپى، كەلەسى جىلى جالاقى شامامەن 1،2 ملن ازاماتتىق قىزمەتشىگە وسەدى.
سونداي-اق، مينيسترلiكتە 2022 جىلدىڭ 1 قاڭتارىنان باستاپ ەڭ تومەنگى جالاقى (ەتج) 60 مىڭ تەڭگەنى قۇرايتىنىن ەسكە سالدى، بۇل اعىمداعى كورسەتكىشتەن 41%-عا جوعارى. بۇل ءار ءتۇرلى مەنشىك نىسانىنداعى كاسىپورىنداردا بارلىق سالالاردا جۇمىس ىستەيتىن 1،6 ملن ادامنىڭ اقشالاي تابىستارىنىڭ وسۋىنە اكەلەدى.
ءبىرىنشى كەزەكتە ەتج كوتەرىلۋى «جالاقىسى تومەن» قىزمەتكەرلەرگە قاتىستى بولادى. جالاقى دەڭگەيىن بەلگىلەۋ كەزىندە ەتج كورسەتكىشىن پايدالاناتىن جۇمىس بەرۋشىلەر دە جالاقىنى قايتا قارايتىن بولادى.
2023 جىلى پەداگوگتاردىڭ جالاقىسى 2020 جىلمەن سالىستىرعاندا ەكى ەسە ءوسۋى ءتيىس. بۇدان باسقا، 2021 جىلى مەديسينالىق جانە الەۋمەتتىك قىزمەتكەرلەردىڭ جالاقىسىن كەزەڭ-كەزەڭىمەن ارتتىرۋ باستالدى، ناتيجەسىندە ءتورت جىل ىشىندە ولاردىڭ جالاقىسى دا ەكى ەسە ارتادى.
قازىرگى ۋاقىتتا، ەڭبەك رەسۋرستارىن دامىتۋ ورتالىعىنىڭ مالىمەتتەرى بويىنشا، ءبىلىم بەرۋ قىزمەتكەرلەرىنىڭ تابىسى ساۋداداعى قىزمەتكەرلەرگە قاراعاندا تومەن.