قارجى مينيسترلىگى 2026–2028 جىلدارعا ارنالعان رەسپۋبليكالىق بيۋدجەت جوباسىن جاريالادى. قۇجاتتى ۇكىمەت ماقۇلداپ، پارلامەنتكە جىبەردى. وندا نەگىزگى الەۋمەتتىك كورسەتكىشتەر - ەڭ تومەنگى جالاقى، زەينەتاقى، كۇنكورىس مينيمۋمى جانە اەك كورسەتىلگەن. بۇل ازىرگە جوبا مارتەبەسىندە، ءبىراق ادەتتە بيۋدجەت قابىلدانعان سوڭ دا وزگەرىسسىز قالادى، - دەپ حابارلايدى aqshamnews.kz.
2026 جىلعا نەگىزگى كورسەتكىشتەر:
- اەك (ايلىق ەسەپتىك كورسەتكىش) - 4 325 تەڭگە (2025 جىلى - 3 932 تەڭگە).
- ەڭ تومەن جالاقى - 85 000 تەڭگە (وزگەرىسسىز).
- ەڭ تومەن زەينەتاقى - 69 049 تەڭگە (2025 جىلى - 62 771 تەڭگە).
- بازالىق زەينەتاقى تولەمى - 35 596 تەڭگە (2025 جىلى - 32 360 تەڭگە).
- الەۋمەتتىك تولەمدەر ءۇشىن كۇنكورىس مينيمۋمى - 50 851 تەڭگە (2025 جىلى - 46 228 تەڭگە).