الماتى قالالىق پوليسيا دەپارتامەنتى ازاماتتارعا حالىقارالىق جۇرگىزۋشى كۋالىگىن بەرۋگە قۇقىعى جوق جەكە ۇيىمدارعا، تۋريستىك اگەنتتىكتەرگە جانە باسقا دا قۇرىلىمدارعا جۇگىنۋگە بولمايتىنىن ەسكەرتەدى.
حالىقارالىق جۇرگىزۋشى كۋالىگى - جۇرگىزۋشىنىڭ شەتەلدە كولىك قۇرالىن باسقارۋ قۇقىعىن راستايتىن قۇجات. بۇل قۇجات 1968 جىلعى 8 قاراشاداعى جول قوزعالىسى تۋرالى ۆەنا كونۆەنسياسىنا قول قويعان 180-نەن استام ەلدە مويىندالادى، دەپ حابارلايدى aqshamnews.kz.
الماتى قالالىق پد اكىمشىلىك پوليسيا باسقارماسىنىڭ پروسەسسينگ ورتالىعىنىڭ باستىعى ايدىن مەركىمبايەۆتىڭ تۇسىندىرۋىنشە، قازاقستان رەسپۋبليكاسىنىڭ «ىشكى ىستەر ورگاندارى تۋرالى» زاڭىنىڭ 6-بابىنا سايكەس، جۇرگىزۋشى كۋالىكتەرىن، ونىڭ ىشىندە حالىقارالىق كۋالىكتەردى بەرۋ ىشكى ىستەر ورگاندارىنىڭ ايرىقشا قۇزىرەتىنە جاتادى. بۇگىنگى كۇنى قازاقستان رەسپۋبليكاسىندا حالىقارالىق جۇرگىزۋشى كۋالىكتەرى بەرىلمەيدى. ازاماتتاردىڭ كۇماندى ونلاين-سايتتار نەمەسە جەكە فيرمالار ارقىلى كۋالىك راسىمدەۋگە بەرگەن وتىنىشتەرى زاڭدى كۇشكە يە ەمەس. حجك ۇلتتىق جۇرگىزۋشى كۋالىگىنىڭ ورنىن باسپايدى، تەك ونىڭ رەسمي اۋدارماسى سانالادى.
قۇجات قاجەت بولۋى مۇمكىن: 1)شەتەلدە اۆتوكولىكتى جالعا الۋ كەزىندە؛ 2)جەكە اۆتوكولىكپەن شەكارادان ءوتۋ كەزىندە؛ 3)جولداعى تەكسەرۋ بارىسىندا قۇجاتتاردى كورسەتۋ كەزىندە؛ 3)شەتەلدە ساقتاندىرۋدى راسىمدەۋ كەزىندە.
حالىقارالىق جۇرگىزۋشى كۋالىگىن الۋ ءۇشىن ەمتيحان تاپسىرۋ نەمەسە وقۋدان ءوتۋ تالاپ ەتىلمەيدى. الماتى قالالىق پوليسيا دەپارتامەنتى، ازاماتتاردى ساق بولۋعا جانە الاياق دەلدالداردىڭ ارباۋىنا تۇسپەۋگە شاقىرادى. كۇمان تۋىنداعان جاعدايدا ازاماتتارعا اۋماقتىق ىشكى ىستەر ورگاندارىنا جۇگىنىپ، تولىق اقپارات الۋعا كەڭەس بەرىلەدى.