قازاقستاندا حالىقارالىق ەلەكتروندىق كوممەرسيا فورۋمى ءوتىپ جاتىر

شارا باراسىندا ينتەرنەت-ساۋدانىڭ ەڭ وزەكتى ماسەلەلەرى تالقىلانىپ جاتىر.

قازاقستان استاناسىندا ەلەكتروندىق E-commerce Forum فورۋمى باستالدى، وندا ينتەرنەت-ساۋدانىڭ ەڭ وزەكتى ماسەلەلەرى تالقىلانىپ جاتىر، دەپ حابارلادى Almaty-akshamy.kz.

«فورۋم «استانا» حالىقارالىق قارجى ورتالىعىندا (احقو) وتەدى جانە وعان مەملەكەتتىك ورگانداردىڭ وكىلدەرى، جەتەكشى وتاندىق جانە حالىقارالىق ساۋدا جەلىلەرىنىڭ، ماركەتپلەيستەردىڭ، قارجى جانە ات سالاسىنىڭ توپ-مەنەدجەرلەرى، كاسىپكەرلەر مەن تاۋەلسىز ساراپشىلار قاتىسىپ جاتىر»،- دەلىنگەن ساۋدا جانە ينتەگراسيا مينيسترلىگىنىڭ حابارلاماسىندا.

فورۋمدى ق ر ساۋدا جانە ينتەگراسيا مينيسترلىگى مەن Mastercard قولداۋىمەن BTS Education كومپانياسى ۇيىمداستىردى.

فورۋم باستاماشىلارىنىڭ ايتۋىنشا، ءىس-شارا قازاقستاندىق كومپانيالاردى digital-كومپانياعا ترانسفورماسيالاۋ پروسەسىن جاقسارتۋ جولدارىن بىرلەسىپ ىزدەۋ ءۇشىن ستارتاپتاردى، كاسىپكەرلەردى، جوعارى وقۋ ورىندارىن، مەملەكەت پەن تەحنولوگيالىق كومپانيالاردى بىرىكتىرۋ، سونداي-اق ەلەكتروندىق كوممەرسيا سالاسىنداعى ۇزدىك پراكتيكالارمەن جىل سايىن الماسۋ ءۇشىن جاڭا جايلى كەڭىستىك قۇرۋ، ايماقتارداعى  سيفرلىق  ەكونوميكانى جاقسارتۋعا كومەكتەسەتىن ناقتى ىس-ارەكەتتەر مەن ونىمدەردى ۇسىنۋ ماقساتىندا وتكىزىلەدى.