قازاقستاندا Halyk Bank قوسىمشاسى ىستەن شىقتى، - دەپ حابارلايدى Tengrinews.kz.
5 قاڭتاردا تاڭەرتەڭنەن باستاپ قولدانۋشىلار قوسىمشاعا كىرمەي تۇرعانىن جازعان. ولاردىڭ ايتۋىنشا، اقاۋ تۋرالى حابارلاما شىعادى.
"ءبىز كوپ سۇرانىس وڭدەپ جاتىرمىز. ءسال كەيىنىرەك قايتالاپ كورىڭىز"، – دەلىنگەن ەسكەرتۋدە.
سكرينشوت: بانكتىڭ قوسىمشاسىنان
بانكتىڭ پىكىرى
بانك وكىلدەرى قوسىمشا تەحنيكالىق جۇمىستارعا بايلانىستى ۋاقىتشا قولجەتىمسىز ەكەنىن ايتتى.
"قوسىمشادا جۇيەگە تۇسەتىن جۇكتەمەنىڭ ارتۋىنا بايلانىستى ۋاقىتشا تەحنيكالىق شەكتەۋلەر بايقالادى. بانكتىڭ ماماندارى سەرۆيستەردىڭ جۇمىسىن تۇراقتاندىرۋ جانە تولىق قالپىنا كەلتىرۋ ءۇشىن قاجەت جۇمىستاردى جۇرگىزىپ جاتىر. شەكتەۋلەردى مۇمكىندىگىنشە تەز جويۋ جانە قىزمەتتەرگە تۇراقتى قولجەتىمدىلىكتى قامتاماسىز ەتۋ ءۇشىن بارلىق شارا قابىلدانىپ جاتىر. تۇتىنۋشىلار مەن سەرىكتەستەرگە تۇسىنىستىك تانىتقانى ءۇشىن العىس بىلدىرەمىز"، – دەپ مالىمدەدى Halyk Bankء-تىڭ باسپا ءسوز قىزمەتى.