قازاقستان رەسپۋبليكاسىنىڭ اۋىل شارۋاشىلىعى مينيسترلىگى سيرەك كەزدەسەتىن جانە جويىلىپ كەتۋ ءقاۋپى تونگەن بالىق تۇرلەرى مەن باسقا دا سۋ جانۋارلارىنىڭ شەكتەۋلى سانىن الۋدى كوزدەيتىن ۇكىمەت قاۋلىسىنىڭ جوباسىن ازىرلەدى.
جوباعا سايكەس كاسپيي يتبالىعى، ارال ءپىلمايى، ارال قايازى، سىلان جانە كاسپيي البىرتىن الۋ جاتادى. بۇل شارا عىلىمي زەرتتەۋلەر جۇرگىزۋگە جانە ءوسىمىن مولايتۋ ءىس-شارالارىنا باعىتتالعان، دەپ حابارلايدى aqshamnews.kz.
اشم مالىمەتىنشە، قاۋلى جوباسى عىلىمي ۇسىنىستاردى ەسكەرە وتىرىپ ازىرلەندى. مينيسترلىك بالىقتاردى الۋ قاتاڭ شەكتەۋلى مولشەردە جانە ۋاكىلەتتى ورگاننىڭ باقىلاۋىمەن جۇزەگە اسىرىلاتىنىن اتاپ كورسەتەدى.
قابىلدانعان شارالار وسى تۇرلەردىڭ تارالىمدارىنىڭ جاي-كۇيىن زەرتتەۋگە جانە ولاردى ساقتاۋ مەن قالپىنا كەلتىرۋ باعدارلامالارىن ازىرلەۋگە كومەكتەسەدى دەپ بولجانۋدا.