ارنايى زاڭ جوباسىنا وزگەرىستەر مەن تولىقتىرۋلار ەنگىزدى.
ءماجىلىستىڭ جالپى وتىرىسىندا «گەودەزيا، كارتوگرافيا جانە كەڭىستىكتىك دەرەكتەر تۋرالى» زاڭ جوباسى ەكىنشى وقىلىمدا ماقۇلداندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«زاڭ جوباسىنىڭ مىندەتى – قازاقستان رەسپۋبليكاسىن دالدىگى جوعارى گەودەزيالىق كوورديناتتار جۇيەسىمەن قامتاماسىز ەتۋ جانە ونىڭ اياسىندا ەلدىڭ ءبىرىڭعاي سيفرلىق كارتوگرافيالىق نەگىزىن جاساۋ. قۇجاتتا گەودەزيا جانە كارتوگرافيا سالاسىن جەتىلدىرۋگە باعىتتالعان نورمالار ەسكەرىلگەن»، - دەدى ءماجىلىس دەپۋتاتى قۇدايبەرگەن ەرجان.
وسى ورايدا كورسەتىلەتىن قىزمەتتەردىڭ جەدەلدىگى مەن ساپاسىن ارتتىرۋعا ارنالعان نورمالار قامتىلىپ وتىر.
زاڭ جوباسىن تالقىلاۋ كەزىندە دەپۋتاتتار ءبىرقاتار وزگەرىستەر مەن تولىقتىرۋلار ەنگىزدى. اتاپ ايتقاندا، ۇعىمدىق اپپاراتتى جاڭا انىقتامالارمەن تولىقتىرۋعا، ۋاكىلەتتى ورگاننىڭ قۇزىرەتىن ناقتىلاۋعا، گەودەزيالىق پۋنكتتەردىڭ ساقتالۋىن قامتاماسىز ەتۋگە، گەودەزيالىق جانە كارتوگرافيالىق قىزمەت سۋبەكتىلەرى مەن ۇلتتىق كەڭىستىكتىك دەرەكتەر قورى اراسىنداعى جاۋاپكەرشىلىكتىڭ اراجىگىن اجىراتۋعا باعىتتالعان تۇزەتۋلەر ەنگىزىلدى. گەودەزيالىق جانە كارتوگرافيالىق قىزمەتتى جۇزەگە اسىرۋ قاعيداتتارى، مەملەكەتتىك باقىلاۋدى جۇرگىزۋ ءتارتىبى ناقتىلاندى. زاڭ جوباسىنىڭ جەكەلەگەن نورمالارىن قولدانىسقا ەنگىزۋ مەرزىمدەرى بەلگىلەندى.