ينتەرناسيونالدى فيلم قازاق تىلىندە سۋبتيترلەرمەن شىقتى.
سونىمەن قاتار، تاسپا ەكسكليۋزيۆتى تۇردە يۆي-دە تەك قازاقستاندا ۇسىنىلعان.
بۇل تانىمال قازاقستاندىق اكتەر فارحات ءابدىرايىموۆتىڭ كينوداعى سوڭعى ءرولى بولدى، سونداي-اق گرۋزين كينوسىنىڭ پاتريارحى ۆاحتانگ كيكابيدزە دە ءفيلمنىڭ پرەمەراسىن كورمەي كەتتى.
ەكى ەلدىڭ، قازاقستان مەن گرۋزيانىڭ كينەماتوگرافيستەرى بايانداعان وقيعا ۇلى وتان سوعىسى ۇرىس الاڭىنان باستاۋ الادى. ەكى بارلاۋشى گرۋزين ۆانو مەن قازاق باقىتجان تاپسىرمادان ورالىپ، اۋە شابۋىلىنا ۇشىرايدى. باقىتجان ءوز ءومىرىن قاتەرگە تىگىپ، ۆانونى قۇتقارادى. قازا بولعان جولداسىنىڭ توسەگىندە ۆانو مارقۇمنىڭ ۇرپاعى جالعاساتىنىن ايتىپ، انت بەرەدى. الايدا، ۆانو ۋادەسىن ورىنداي المادى، ەندى نەمەرەلەرى اتالارىنىڭ انتىن ورىنداۋى كەرەك. ۆانو بۋبتىڭ نەمەرەسى باقىتجاننىڭ نەمەرەسىن تاۋىپ، وعان ۇيلەنۋ ءۇشىن تبيليسيدەن الماتىعا اتتانادى. بۋبامەن بىرگە ونىڭ ۇلكەن اپكەسى نينا دا قازاقستانعا ۇشادى. بۋبانىڭ نەمقۇرايدىلىعىنا بايلانىستى جاستار باقىتجاننىڭ ۇرپاقتارى تۇراتىن مەكەنجاي جازىلعان جازبانى جوعالتىپ الادى. مىنە، وسى كەزدە ناعىز شىتىرمان وقيعالار باستالادى.
«مەن ءۇشىن بۇل ەكى جاستىڭ سەزىمى تۋرالى عانا ەمەس، ءبىزدىڭ ەلدەرىمىزدىڭ مادەني بايلانىستارى، ۇقساستىقتارىمىز بەن وزگەشەلىكتەرىمىز، تاريحىمىح، قۇندىلىقتارىمىز بەن ءداستۇرىمىز تۋرالى فيلم. بۇل وسىنىڭ بارىنەن شىققان حيكايا»، – دەيدى كارتينانىڭ قازاقستاندىق تاراپتاعى رەجيسسەرى جەڭىس تۇماتايەۆ.
«گرۋزيندەر ۇمىتپايدى. ۇلى وتان سوعىسىندا مايدادا قازاقتارمەن يىق تىرەستىرىپ بىرگە سوعىسقانىمىزدى عانا ەمە، داۆيد پاتشانىڭ زامانىندا قىپشاقتارمەن بىرگە ەجەلگى ءتبيليسيدى سەلجۇقتاردان قورعاعانىمىزدى دا ەستە ساقتايمىز»، – دەيدى گرۋنيز رەجيسسەرى گەورگيي كيكالەيشۆيلي.
ءفيلمدى ءتۇسىرۋ وڭاي بولماعان، ويتكەنى پروسەسس پاندەميا جاعدايىندا ءوتتى: كومەندانتتىق ساعات، تىكەلەي رەيستەردىڭ بولماۋى، ءار ءۇش كۇن سايىن بۇكىل توپ پتر تەستتەرىن تاپسىردى، ءتۇسىرىلىم رۇقساتتارىنا بايلانىستى قيىندىقتار تۋىندادى. تبيليسي ماڭىندا اسكەري كورىنىستەر مەن وقيعانىڭ گرۋزيندەرگە قاتىستى بولىگى ءتۇسىرىلدى. سودان كەيىن ءتۇسىرىلىم توبى الماتىعا كوشتى، وندا ءتۇسىرىلىم ورىندارى قالا تاريحىنداعى كورنەكتى ورىندار بولدى: «الما-اتا» ءقوناقۇيى، مەدەۋ، سيرك جانە باسقالارى.
كارتينادا رولدەردە فارحات ءابدىرايىموۆ (فارا)، ءشارىپ سەرىك، تولەپبەرگەن بايساقالوۆ، ازات سەيىتمەتوۆ، داناگۇل تەمىرسۇلتانوۆا، قارلىعاش يسابەكوۆا، تاۋەكەل ءمۇسىلىم، سونداي-اق گرۋزين اكتەرلەرى ناتيا سيسيلاشۆيلي، يليا چحايدزە، زۋراب كيپشيدزەلەر وينادى. فيلمگە گرۋزين كينوسىنىڭ پاتريارحى ۆاحتانگ كيكابيدزە دە قاتىستى.
اتتەڭ، بۇل تانىمال قازاقستاندىق اكتەر فارحات ءابدىرايىموۆتىڭ كينوداعى سوڭعى ءرولى بولدى، سونداي-اق گرۋزين كينوسىنىڭ پاتريارحى ۆاحتانگ كيكابيدزە دە ءفيلمنىڭ پرەمەراسىن كورمەي كەتتى.
ەڭ قيىن ءرول تولەپبەرگەن بايساقالوۆقا بۇيىردى. ول، سەناريي بويىنشا، بىردەن ەكى تاكسي جۇرگىزۋشىسىنىڭ رولىندە وينايدى: تبيليسيلىك جانە الماتىلىق.
«ماعان تاكسي جۇرگىزۋشىسى توليكتىڭ ءرولىن ويناۋ وڭاي بولدى، ويتكەنى مەنىڭ كەيىپكەرىم ەكى ەل اراسىنداعى ۇقساستىقتى بىلدىرەدى. ورتاق بەلگىلەرىمىز ءبىر قاراعاندا كورىنەتىندەي از ەمەس، وتە كوپ»، – دەپ ءبولىستى تولەپبەرگەن بايساقالوۆ.
ال اكتەر ءشارىپ سەرىك وزىنە ۇيرەنشىكتى ەمەس كەيىپكەردى سومدادى. قازاقستاندىق كورەرمەنگە «رايوننىڭ جىگىتى» رولدەرىمەن جاتتالىپ قالعان شاكو ەندى تۇلا بويى رومانتيكاعا تولى كەيىپكەردى وينادى.
«مەنىڭ كەيىپكەرىم ازامات – دۇرىس جىگىت، «جۇرتتىڭ بالاسى» سيپاتىنداعى وبراز. دومبىرا شەرتەدى، بالالار ۇيىندە بالالار مۋزىكالىق وركەسترىن باسقارادى جانە جاقسى جار بولاتىن قىز ىزدەيدى. الايدا تاعدىرى ايداپ اكەلەتىن قىز قانداي بولاتىنىن ەشكىم بىلمەيدى. سيۋجەتتەن ءبىر ساتكە دە كوڭىل اۋدارۋعا بولمايتىن كارتينا»، – دەيدى ول ءوزى وينايتىن ءرولى تۋرالى.
تۋىندىدا رولدەردە ويناعاندار: فارحات ءابدىرايىموۆ (فارا)، ءشارىپ سەرىك، تولەپبەرگەن بايساقالوۆ، ازات سەيىتمەتوۆ، داناگۇل تەمىرسۇلتانوۆا، قارلىعاش يسابەكوۆا، تاۋەكەل ءمۇسىلىم، سونداي-اق گرۋزين اكتەرلەرى ناتيا سيسيلاشۆيلي، يليا چحايدزە، زۋراب كيپشيدزە، ۆاحتانگ كيكابيدزەنىڭ قاتىسۋىمەن.
يۆي ونلاين-كينوتەاترى — اي سايىنعى اۋديتورياسى 50 ميلليوننان اساتىن بىرەگەي قولدانۋشىسى بار ەڭ ءىرى رەسەيلىك ونلاين-كينوتەاترلاردىڭ ءبىرى. كونتەنت قورىندا 10 مىڭنان استام تايتل بار، تۇرىك جانە كورەي سەريالاردارىنىڭ كەڭ كاتالوگى، 16 جەكە ءوندىرىس جوباسى بار. ازىرلەۋدە ونداعان تەلەحيكايا مەن تولىقمەتراجدى كارتينالار بار، ال كوپ ۇزاماي كورەرمەن جاڭا ماۋسىمنىڭ جوبالارىنىڭ پرەمەراسىن كۇتەدى: «ي سنوۆا زدراۆستۆۋيتە!»، «دەلو و پروپاۆشەي دەريەۆنە»، «رايسەنتر» جانە باسقالارى. بۇگىندە يۆي وتاندىق جەتەكشى پروديۋسەرلەرمەن، رەجيسسەرلەرمەن جانە اكتەرلەرمەن ىنتىماقتاستىق ورناتقان.