مەملەكەت باسشىسىنىڭ تاپسىرماسىن ورىنداۋ ءۇشىن دەنساۋلىق ساقتاۋ مينيسترلىگى وتاندىق فارماسيەۆتيكالىق ونەركاسىپتى دامىتۋ جانە ىشكى نارىقتاعى قازاقستاندىق دارىلىك زاتتاردىڭ ۇلەسىن كەڭەيتۋ جونىندەگى جۇيەلى جۇمىستى جالعاستىرۋدا.
اعىمداعى جىلدىڭ 10 ايىنىڭ قورىتىندىسى بويىنشا فارماسيەۆتيكالىق سەكتور كاسىپورىندارى ءوندىرىستىڭ كولەمىن 11،7%-عا ارتتىرىپ، 156،6 ملرد تەڭگەگە (305 ملن اقش دوللارى) جەتتى، بۇل وتكەن جىلدىڭ سايكەس كەزەڭىنەن 16،4 ملرد تەڭگەگە ارتىق، - دەپ حابارلايدى Aqshamnews.kz.
ءبىرىنشى جارتىجىلدىقتا سالاعا سالىنعان ينۆەستيسيا كولەمى 77،1 ملن اقش دوللارىن قۇرادى.
وندىرىستىك كورسەتكىشتەردىڭ ءوسۋى دارى-دارمەكتەر مەن مەديسينالىق بۇيىمدار شىعاراتىن جاڭا تەحنولوگيالىق جەلىلەردى ىسكە قوسۋمەن قامتاماسىز ەتىلگەن.
بۇگىندە قازاقستاندا 200-دەن استام وتاندىق ءوندىرۋشى تىركەلگەن، ونىڭ ىشىندە 43 دارىلىك زاتتار شىعاراتىن كاسىپورىن، قالعاندارى مەديسينالىق بۇيىمدار وندىرۋگە ماماندانعان.