الماتى قالاسى المالى اۋدانىنىڭ پوليسيا قىزمەتكەرلەرى ينتەرنەت-پلاتفورمالاردا جالعان حابارلاندىرۋلار ورنالاستىرۋ ارقىلى ازاماتتاردى الداپ كەلگەن 18 جاستاعى كۇدىكتىنى ۇستادى، - دەپ حابارلايدى Aqshamnews.kz.
تەرگەۋ مالىمەتىنشە، ول شىن مانىندە جوق پاتەرلەردى جالعا بەرۋ تۋرالى ويدان شىعارىلعان ۇسىنىستاردى جاريالاپ، تۇرعىنداردان الدىن الا تولەم، كەيبىر جاعدايلاردا ءتىپتى تولىق جالداۋ اقىسىن دا العان. بۇگىندە پوليسەيلەر ونىڭ زاڭعا قايشى ارەكەتتەرىنىڭ شامامەن 30 ەپيزودىن انىقتادى. قازىرگى ۋاقىتتا كۇدىكتىنىڭ وزگە دە ۇقساس قىلمىستارعا قاتىسى بار-جوعى تەكسەرىلىپ جاتىر.
- كۇدىكتى جولعا قويىلعان سحەما ارقىلى ارەكەت ەتىپ، ازاماتتاردىڭ سەنىمىن تەرىس پايدالانعان. ءبىز جابىرلەنۋشىلەردىڭ تولىق شەڭبەرىن انىقتاۋ باعىتىندا جەدەل ءىس-شارالاردى جالعاستىرىپ جاتىرمىز. قالا تۇرعىندارىن ونلاين مامىلەلەر جاساعاندا، اسىرەسە پاتەر جالداۋعا قاتىستى كەلىسىمدەردە اسا مۇقيات بولۋعا شاقىرامىز، – دەدى المالى اۋداندىق پوليسيا باسقارماسىنىڭ باستىعى ماقسات پشان.