قازاقستاندا باقىلاۋعا جاتاتىن ەسىرتكى جانە پسيحوتروپتىق پرەپاراتتاردىڭ ءتىزىمى ۇلعايتىلادى.
تىزىمگە 8 جاڭا پوزيسيا قوسىلدى. ۇكىمەتپەن پسيحواكتيۆتى زاتتاردىڭ 8 اتاۋىمەن ءبىر پرەكۋرسوردى جانە ولاردىڭ قىلمىستىق مولشەرىن ايقىنداي وتىرىپ، مەملەكەتتىك باقىلاۋعا ەنگىزۋ جونىندە كەزەكتى قاۋلى قابىلداندى، دەپ حابارلايدى اlmaty-akshamy.kz.
بۇل پارا-فليۋوروفەنتانيل، برورفين، مەتونيتازەن ەسىرتكى زاتتارى: 3-مەتوكسيفەنسيكليدين، ەۆتيلون، كلونازولام، ديكلازەپام، فلۋبرومازولام پسيحوتروپتىق زاتتار جانە 4-مەتيلپروپيوفەنون ەسىرتكى وندىرىسىندە قولدانىلاتىن پرەكۋرسور.
– اتالعان زاتتار ەۋرازيالىق ەكونوميكالىق كوميسسيانىڭ شەشىمىمەن ەۋرازيالىق ەكونوميكالىق وداقتا باقىلاۋعا جاتاتىن ەسىرتكىلەر تىزبەسىنە ەنگىزىلگەن. بۇل ولاردىڭ باقىلاۋداعى زاتتاردىڭ ۇلتتىق تىزىمىنە ەنۋىنە نەگىز بولدى، – دەپ ءبولىستى ىىم-دە.
ۆەدومستۆو اتاپ وتكەندەي، 2019 جىلى ۇكىمەتكە ەسىرتكى ءتىزىمىن بەكىتۋ قۇزىرەتى بەرىلگەننەن باستاپ، ءتىزىم 154 جاڭا پسيحواكتيۆتى زاتتارمەن تولىقتىرىلدى، ونىڭ ىشىندە 125 ەسىرتكى جانە پسيحوتروپتىق زاتتار جانە 29 پرەكۋرسورلار.
قازىرگى ۋاقىتتا ەسىرتكىنى تىزىمگە ەنگىزۋ پروسەدۋراسى شامامەن ءبىر ايعا سوزىلادى. بۇل ءۇشىن زاتتار ەۋرازيالىق وداق ەلدەرىنىڭ تىزبەلەرىندە نەمەسە بۇۇ-نىڭ ەسىرتكىنى باقىلاۋ جونىندەگى حالىقارالىق كوميتەتىنىڭ ۇسىنىمدا بولۋى جەتكىلىكتى.
ايتا كەتەيىك، قازاقستاندا ازاماتتاردىڭ ءومىرى مەن دەنساۋلىعىنا ءقاۋىپ توندىرەتىن 700-گە جۋىق بەلگىلى ەسىرتكى ءتۇرى باقىلانادى.