بيىل 9 ايدا ەلىمىزدە 2075 ادام جوعالىپ كەتكەن.
ەلىمىزدە ەر ادامدار ءجيى حابار-وشارسىز كەتەدى ەكەن. ال ايەلدەر اراسىندا كوبىنە سپيرتتىك ىشىمدىكتى اسىرا پايدالاناتىندار، قولايسىز وتباسىنان شىققاندار جوعالاتىن كورىنەدى. بۇل تۋرالى ق ر ءىىم كريمينالدىق پوليسيا دەپارتامەنتىنىڭ اسا ماڭىزدى ىستەر جونىندەگى اعا جەدەل ۋاكىلى نۇرلان تەمىربايەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ستاتيستيكا كوبىنەسە ەر ادامداردىڭ جوعالاتىنىن كورسەتىپ وتىر. بۇل ولاردىڭ ماۋسىمدىق جۇمىستارعا، (كولىك جۇرگىزۋ، جۇك تاسىمالداۋ تاعى سول سياقتى) ءتۇرلى قىزمەتتىك ءىسساپارلارعا شىعۋىمەن بايلانىستى. ايەلدەر اراسىندا كوبىنە سپيرتتىك ىشىمدىكتەردى اسىرا پايدالاناتىندار، ال جاسوسپىرىمدەر بويىنشا قولايسىز وتباسىنان شىققاندار جوعالىپ جاتادى»، - دەدى نۇرلان تەمىربايەۆ مينيسترلىكتە وتكەن بريفينگىدە.
ق ر ءىىم وكىلىنىڭ مالىمدەۋىنشە، حابار-وشارسىز جوعالىپ كەتەتىن 100 ادامنىڭ 80ء-ى تابىلىپ، جاقىندارىنا قايتارىلادى.
«كامەلەتكە تولماعانداردىڭ ۇيىنەن قاشاتىن سەبەبى - اتا-اناسىمەن جانجالداسىپ قالۋى نەمەسە اتا-اناسى ىشەتىن بولعاندىقتان، بالالارى بولەك تۇرعىسى كەلەدى. اتا-انا قۇقىعىنان ايىرعاننان كەيىن ونىڭ بالالارىن ارنايى ورتالىقتارعا جىبەرەدى. ياعني بالالار ۇيىنە. كەيدە بالالار ول جەردەن دە قاشىپ كەتىپ جاتادى. بۇنىڭ سوڭى ادامنىڭ جوعالۋىنا الىپ كەلەدى، سوسىن ىزدەۋ سالىنادى. سونداي-اق بالالاردىڭ ۇزاق ۋاقىت ويىن كلۋبتارىندا ءجۇرۋى مەن اتا-انانىڭ جازاسىنان قۇتىلۋ ءۇشىن ۇيدەن جانە مەكتەپتەن قاشۋ فاكتىلەرى ورىن الادى»، - دەيدى ول.