الماتىدا كاسىپكەرلەرگە مەملەكەتتەن گرانت الىپ بەرۋگە ۋادە ەتكەن الاياقتار ۇستالدى

الماتىدا تۇرعىنداردى الداپ كەلگەن قوس الاياق ۇستالدى. 

انىقتالعانداي، كۇدىكتىلەردىڭ ءبىرى 33 جاستاعى ك. ەسىمدى ازامات 5 ميلليون تەڭگە كولەمىندە بەيىندىك باعدارلاما بويىنشا مەملەكەتتەن گرانت الۋدى ۇسىنعان. ال تاعى ءبىر قىلمىستىق ىسكە قاتىسى بار 29 جاستاعى ا. ەسىمدى ازاماتشا شاھار تۇرعىندارىنا مەملەكەتتەن گرانت الىپ بەرىپ قانا قويماي، جىلجىمايتىن مۇلىكتەردى يگەرىپ، جۇمىسقا ورنالاستىرىپ، جۇرگىزۋشى كۋالىگىن الىپ بەرە الاتىنىن ايتقان. ءوزىنىڭ “جۇمىسى” ءۇشىن ول 5 ميلليون تەڭگە سۇراعان، دەپ حابارلايدى Almaty-akshamy.kz Polisia.kz-كە سىلتەمە جاساپ.

 «تەرگەۋ بارىسىندا اقشانى العاننان كەيىن قاسكۇنەمدەردىڭ ۇيالى تەلەفوندارىن ءوشىرىپ، بايلانىسقا شىعۋىن توقتاتقانى انىقتالدى. قازىرگى ۋاقىتتا ك. ەسىمدى ازاماتتىڭ الاياقتىق بويىنشا 10 ەپيزودقا قاتىستىلىعى، ال الاياق ايەلگە قاتىستى 25 دەرەك دالەلدەندى. كۇدىكتىلەرگە قاتىستى اۋدانارالىق تەرگەۋ سوتى قاماۋ تۇرىندەگى بۇلتارتپاۋ شاراسىن تاڭدادى»، – دەپ حابارلادى اۋەزوۆ اۋداندىق پوليسيا باسقارماسى.

ءبىراق الدانعان ادامدار الدەقايدا كوپ بولۋى مۇمكىن ەكەندىگىنە پوليسيا قىزمەتكەرلەرى سەنىمدى. سوندىقتان ءتارتىپ ساقشىلارى ۇستالعانداردىڭ ارەكەتىنەن زارداپ شەككەن ازاماتتاردى مىنا تەلەفون نومىرلەرىنە حابارلاسۋعا شاقىرادى: 8-707-515-47-35 جانە 8-778-276-04-14.