ارنايى قۇجاتقا قول قويىلدى.
قازاقستان ۇكىمەتى قۇجات الەۋمەتتىك تۇراقتىلىقتى قامتاماسىز ەمۋ ماقساتىندا جانە ۇجىمدىق ەڭبەك داۋلارىن ءتيىمدى شەشۋدىڭ مەحانيزمىن ەنگىزۋ ماقساتىندا ارنايى قۇجاتقا قول قويدى، دەپ حابارلايدى Almaty-akshamy.kz.
«بۇگىن ق ر يندۋستريا جانە ينفراقۇرىلىمدىق دامۋ مينيسترلىگى، ازاماتتىق اۆياسيا ۇيىمدارىنىڭ جۇمىس بەرۋشىلەرى جانە «قازاقستان تەمىرجول، اۆتوموبيل، اۋە جانە سۋ كولىگى جۇمىسكەرلەرىنىڭ سالالىق كاسىپتىك وداعى» قوعامدىق بىرلەستىگى اراسىنداعى سالالىق كەلىسىمگە قول قويىلدى. ءۇشجاقتى كەلىسىم 2022-2024 جىلدارعا ارنالعان الەۋمەتتىك-ەكونوميكالىق ماسەلەلەردى قامتيدى»، - دەلىنگەن ۆەدومستۆو باسپا ءسوز قىزمەتىنىڭ حابارلاماسىندا.
اتاپ ايتقاندا، قۇجات الەۋمەتتىك تۇراقتىلىقتى قامتاماسىز ەتۋمەن قاتار، ۇجىمدىق ەڭبەك داۋلارىن ءتيىمدى شەشۋدىڭ مەحانيزمىن ەنگىزىپ، وسى تاراپتاعى مىندەتتەمەلەردى ىسكە اسىرۋعا مۇمكىندىك بەرەدى.
سونىمەن قاتار سالالىق كەلىسىم كولىك سالاسىنداعى ەڭبەك، الەۋمەتتىك-ەكونوميكالىق قۇقىقتار مەن مۇددەلەردى قورعاۋ جونىندەگى مىندەتتەمەلەردى جۇزەگە اسىرۋعا دا ىقپال ەتپەك. ءوزارا كەلىسىمنەن تۋىندايتىن ەرەجەلەر تاراپتار ءۇشىن مىندەتتى جانە ۇجىمدىق شارتتار جاساسۋ كەزىندە ولاردى الىپ تاستاۋعا نەمەسە ازايتۋعا بولمايدى.
«سالا قىزمەتكەرلەرىنىڭ ەڭبەك، الەۋمەتتىك-ەكونوميكالىق قۇقىقتارى مەن زاڭدى مۇددەلەرىن قورعاۋعا باعىتتالعان ماڭىزدى قۇجاتتى قابىلداۋعا قاتىسقان الەۋمەتتىك سەرىكتەستەرگە مينيسترلىك اتىنان زور العىسىمدى بىلدىرەمىن»، – دەدى ق ر يندۋستريا جانە ينفراقۇرىلىمدىق دامۋ ۆيسە-مينيسترى الماز ىدىرىسوۆ.