جاڭا مەدال.
قازاقستانداعى ۆەدومستۆولىق ناگرادالار قاتارىنا جاڭا "ەكونوميكا سالاسىن دامىتۋعا قوسقان ۇلەسى ءۇشىن" مەدالى قوسىلادى. ۇكىمەت قاۋلىسىنىڭ جوباسى اشىق نقا پورتالىندا جاريالاندى، دەپ حابارلايدى Almaty-akshamy.kz Inbusiness.kz سىلتەمە جاساپ.
قاۋلى جوباسىنا سايكەس، جاڭا مەدالمەن ەل ەكونوميكاسىن دامىتۋعا جانە نىعايتۋعا ەلەۋلى ۇلەس قوسقان قازاقستان جانە شەتەل ازاماتتارى ماراپاتتالادى. مەدال ۇلتتىق ەكونوميكا مينيسترلىگىنىڭ ۆەدومستۆولىق مەدالى بولىپ سانالادى.
"جوبانى ماقساتى – قىزمەتكەرلەردى، جۇمىسكەرلەردى جانە وزگە دە تۇلعالاردى قىزمەتتىك مىندەتتەرىن ۇلگىلى ورىنداعانى، شىعارماشىلىق بەلسەندىلىگى، ءمىنسىز قىزمەتى، ەڭبەك قىزمەتىندەگى باسقا دا جەتىستىكتەرى ءۇشىن كوتەرمەلەۋ جانە ەڭبەگىن ىنتالاندىرۋ"، - دەلىنگەن قاۋلىنىڭ تۇسىندىرمە جازباسىندا.
مەدال سارى ءتۇستى جەز مەتالدان (لاتۋن) ديامەترى 34 مم شەڭبەر تۇرىندە جاسالادى.