اعىمداعى جىلدىڭ ەكى ايىندا رەسپۋبليكادا ەسىرتكىنىڭ زاڭسىز اينالىمى سالاسىندا 430 قىلمىس، ونىڭ ىشىندە 285 ەسىرتكى وتكىزۋ جانە 22 كونتراباندا فاكتىسى انىقتالدى.
475 كيلوگراممعا جۋىق ەسىرتكى تاركىلەندى، ونىڭ 50 كگ-عا جۋىعى سينتەتيكا. سەگىز ەسىرتكى زەرتحاناسى جويىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ولار نۇر-سۇلتان، الماتى قالالارى مەن الماتى، اقتوبە، شىعىس قازاقستان وبلىستارىندا انىقتالعان. جاسىرىن ەسىرتكى ءوندىرىسىن ۇيىمداستىرعانى ءۇشىن 16 ادام ۇستالدى. جۋىردا اقتوبەلىك ەسىرتكى پوليسەيلەرى وبلىس ورتالىعىنىڭ 30 جاستاعى تۇرعىنىن ۇستادى، ودان 850 گرامم مەفەدرون تاركىلەندى. كۇدىكتى جالعا الىنعان ۇيدە اسا ءىرى كولەمدە سينتەتيكالىق ەسىرتكى شىعارۋمەن اينالىسقان. سونىمەن قاتار، سەرىكتەسىمەن بىرگە جاسىرىلعان 24 جەردەن ەسىرتكى تاركىلەنگەن. بۇعان قوسا، جالعا الىنعان ۇيدەن وندىرىسكە ارنالعان قۇرىلعىلار الىنعان
“اقپاراتتىق تەحنولوگيالاردىڭ دامۋىمەن ەسىرتكى قۇرالدارىن تاراتۋ تاسىلدەرى دە جەتىلدىرىلدى، ەندى ينتەرنەت زاڭسىز اينالىمنىڭ نەگىزگى الاڭىنا اينالدى. ەسىرتكىنىڭ زاڭسىز اينالىمىنا جاڭا قاتىسۋشىلاردى تارتۋ ماقساتىندا جۇمىسشىلار مەن مامانداردى جالداۋ ءۇشىن ينتەرنەت-رەسۋرستار پايدالانىلاتىن جاعدايلار دا ءجيى كەزدەسەدى. مۇنداي فاكتىلەردى انىقتاۋ ءۇشىن ءبىز جۇمىستى ۇسىناتىن سايتتاردى ءوز بەتىمىزشە باقىلاپ قانا قويمايمىز. وسى ورايدا وسىنداي قىزمەتتەردىڭ تانىمال پروۆايدەرى – “OLX Group” جاۋاپكەرشىلىگى شەكتەۋلى سەرىكتەستىگىمەن ءوزارا ءىس-قيمىل جاساۋ جولعا قويىلدى. سونىڭ ارقاسىندا اعىمداعى جىلى كۋرەرلىك جۇمىس ۇسىنىستارى تۇرىندەگى ەسىرتكىنى “جاسىرىپ كەتۋشىلەردى” جالداۋ بويىنشا 50 حابارلاندىرۋ انىقتالىپ، جويىلدى. بۇل جۇمىس جالعاسۋدا. Telegram سەرۆەرىنىڭ قازاقستاندىق اكىمشىسىمەن دە وسى باعىتتاعى ماسەلە پىسىقتالۋدا، ءقازىردىڭ وزىندە ەسىرتكىنى جاسىرىن ساتۋمەن اينالىسقان 440 چات انىقتالدى. اقپارات جانە قوعامدىق دامۋ مينيسترلىگىنىڭ “كيبەرقاداعالاۋ” اقپاراتتىق جۇيەسىنە قولجەتىمدىلىك قامتاماسىز ەتىلدى. بۇل شارا كەيىننەن ولاردى بەلگىلەنگەن تارتىپپەن وقشاۋلاۋ ءۇشىن اۆتوماتتى رەجيمدە زاڭسىز كونتەنتى بار ينتەرنەت-رەسۋرستاردى انىقتاۋعا مۇمكىندىك بەرەدى. ايتا كەتۋ كەرەك، سوڭعى ءۇش جىلدا وسى مەسسەندجەردە 2318 بۇزۋشىلىق انىقتالدى، ولارعا قاتىستى مەسسەندجەر اكىمشىلىگىنە 104 حابارلاما حاتى جولداندى. اقپارات جانە قوعامدىق دامۋ مينيسترلىگىنىڭ دەرەكتەرىنە سايكەس، اعىمداعى جىلدىڭ ەكى ايىندا عانا 2316 زاڭسىز ماتەريال، ونىڭ ىشىندە تەلەگرام-ارنالار مەن تەلەگرام-بوتتار جويىلدى، – دەدى ەسىرتكى قىلمىسىنا قارسى ءىس-قيمىل دەپارتامەنتىنىڭ باسقارما باستىعى باقىتجان ءامىرحانوۆ.
وتكەن جىلى ەسىرتكىنىڭ تارالۋى تۋرالى اقپاراتتى قامتيتىن 1600-دەن استام ينتەرنەت-رەسۋرس انىقتالدى، ولاردىڭ 1200-گە جۋىعى بۇعاتتالدى، قالعاندارى بويىنشا ءتيىستى جۇمىستار جۇرگىزىلۋدە. جىل باسىنان بەرى 408 ينتەرنەت-رەسۋرس بۇعاتتالدى. ءتيىستى ەلەكتروندىق سىلتەمەلەرى بار 10 مىڭنان استام گراففيتي سۋرەت جويىلدى.
بۇدان باسقا، “بالا قۇقىقتارىن قورعاۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى” زاڭ جوباسى شەڭبەرىندە قازاقستان اۋماعىندا الەۋمەتتىك جەلىلەر مەن مەسسەندجەرلەردىڭ جۇمىس ىستەۋ قاعيدالارىن رەتتەۋ جوسپارلانۋدا: ولاردىڭ وكىلدىكتەرىن قۇرۋ، قۇقىققا قايشى اقپاراتقا قول جەتكىزۋدى شەكتەۋ نەمەسە جويۋ جونىندەگى مىندەتتەردى ەنگىزۋ. بۇل شارالار ينتەرنەت كەڭىستىگىن وسىنداي كونتەنتتەن تازارتۋعا جانە كامەلەتكە تولماعان پايدالانۋشىلاردى ەسىرتكىنى تۇتىنۋدى ناسيحاتتايتىن اقپاراتتان قورعاۋعا مۇمكىندىك بەرەدى. ىشكى ىستەر مينيسترلىگى ازاماتتاردى قىراعى بولۋعا شاقىرادى.
جۇمىس سيپاتىن تەكسەرمەي، سايت اكىمشىسىنىڭ، كۋرەردىڭ جۇمىسى تۋرالى ۇسىنىستاردى قابىلداماۋعا شاقىرادى. الايدا مۇنداي “جۇمىس بەرۋشىلەر” جۇمىستىڭ زاڭسىز ەكەنىن بىردەن ايتىپ، بولاشاق جۇمىسشىلاردى جوعارى جالاقىمەن جانە كەز كەلگەن ۋاقىتتا ءتيىمدى بيزنەستەن شىعىپ كەتۋ مۇمكىندىگىمەن قىزىقتىرادى. ادەتتە ءدال وسى “ەسىرتكى جاسىرىپ كەتۋشىلەر” مەن كۋرەرلەر پوليسيامەن ۇستالىپ، سوت ۇكىمىمەن ۇزاق جىلدارعا باس بوستاندىعىنان ايىرىلىپ جاتادى.