وندىرۋشىلەرگە 1 ملرد 327،3 ملن تەڭگە تولەندى.
اگرارلىق نەسيە كورپوراسياسى ءداندى جانە مايلى داقىلداردى ساقتاندىرۋ باعدارلاماسىن جۇزەگە اسىرۋدى باستادى، دەپ حابارلايدى Almaty-akshamy.kz Eldala.kz سىلتەمە جاساپ.
ساقتاندىرۋ شارتتارىن سايتتاعى Agroinsurance اقپاراتتىق جۇيەسىندە www.qoldau.kz. سايتىندا جاساۋعا بولادى.
اگرارشىلار بيداي، ارپا، س ۇلى، جۇگەرى، كۇنباعىس، راپس جانە زىعىر ەگىستەرىن ساقتاندىرا الادى. ساقتاندىرۋ اقمولا، اقتوبە، شىعىس قازاقستان، باتىس قازاقستان، قاراعاندى، قوستاناي، پاۆلودار، سولتۇستىك قازاقستان وبلىستارى ءۇشىن قولجەتىمدى.
ءداندى داقىلدار بويىنشا توپىراقتا ىلعال تاپشىلىعىنان ساقتاندىرۋ شارتتارىن 16 ساۋىرگە دەيىن، مايلى داقىلدار بويىنشا 30 ساۋىرگە دەيىن جاساسۋعا بولادى.
انك دەرەكتەرى بويىنشا قۇرعاقشىلىقتان ساقتاندىرۋ بويىنشا ساقتاندىرۋ كەزەڭى ءۇش فازاعا بولىنگەن. ەگەر ەگىستەر 15 مامىردان 14 تامىزعا دەيىنگى كەزەڭدە (ءۇش فازالى ءونىم) ساقتاندىرىلاتىن بولسا، وندا ساقتاندىرۋ ءپوليسىنىڭ قۇنى ساقتاندىرۋ سوماسىنىڭ 4،8% قۇرايدى. ەگەر ساقتاندىرۋ كەزەڭى 15 ماۋسىمنان 14 تامىزعا دەيىن جالعاساتىن بولسا (ەكى فازالى ءونىم)، تاريف ساقتاندىرۋ سوماسىنىڭ 3،2%-نا تەڭ بولادى.
ونىمدەر بويىنشا ساقتاندىرۋ سىيلىقاقىلارىن سۋبسيديالاۋ تۇرىندە مەملەكەتتىك قولداۋ كوزدەلگەن: اۋىل شارۋاشىلىعى تاۋارىن وندىرۋشىلەر ءۇشىن ساقتاندىرۋ ءپوليسى 50%-عا ارزانداتىلۋدا.
«قۇرعاقشىلىقتىڭ باستالۋى ساقتاندىرۋ كومپانياسى توپىراقتاعى ىلعال تۋرالى تاريحي مالىمەتتەر نەگىزىندە ەسەپتەيتىن يندەكستەر نەگىزىندە انىقتالادى. كەلەسى ماۋسىمعا ەسەپتەۋ كەزىندە ءاربىر اۋدان بويىنشا، ونىڭ ىشىندە وتكەن جىلعى اۋا رايى دەرەكتەرى ەسكەرىلەدى. وسىلايشا، يندەكس ماندەرى جىل سايىن وزگەرىپ وتىرادى. سوندىقتان الەۋەتتى ساقتانۋشىلار ساقتاندىرۋ شارتتارىن جاساسۋ كەزىندە يندەكستەردىڭ جاڭا ماندەرىنە نازار اۋدارۋى قاجەت»، - دەپ ناقتىلادى كورپوراسيادا.
«اگرارلىق نەسيە كورپوراسياسى» اق باسقارما ءتوراعاسى المات اشىربەكوۆتىڭ ايتۋىنشا، ەگىستىكتى قۇرعاقشىلىقتان ەكى جىل ساقتاندىرۋ قورىتىندىسى بويىنشا، اۋىل شارۋاشىلىعى تاۋارىن وندىرۋشىلەرگە 1 ملرد 327،3 ملن تەڭگە تولەندى.
«بۇل رەتتە اگرارشىلار ەنگىزگەن ساقتاندىرۋ سىيلىقاقىسىنىڭ سوماسى 241،5 ملن تەڭگەنى قۇرادى، تاعى 241،5 ملن تەڭگە مەملەكەتتىك سۋبسيديالار رەتىندە ەنگىزىلدى»، - دەپ تولىقتىردى انك باسشىسى.
ەستەرىڭىزگە سالا كەتەيىك، قازاقستاندا ەگىستىكتى ساقتاندىرۋدى سۋبسيديالاۋ مولشەرىن 50-دەن 80%-عا دەيىن ارتتىرۋ قاراستىرىلۋدا.