ورتالىقتا دارىندى بالالاردىڭ قاتىسۋىمەن عىلىمي-پراكتيكالىق جۇمىستار جۇرگىزىلەدى.
ەلىمىزدە دارىندى بالالارمەن جۇمىس ىستەۋگە ارنالعان جاڭا عىلىمي-زەرتتەۋ ورتالىعى اشىلادى. بۇل تۋرالى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى ءانۋار ۇنايبەكوۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«تاعى ءبىر ىقتيمال جوبا «Daryn HUB» عىلىمي-زەرتتەۋ ورتالىعىنىڭ اشىلۋى. اتالعان ورتالىقتى اشۋ بىزگە ءىرى حالىقارالىق وليمپيادالارعا قۇراما كوماندالاردى نەعۇرلىم جوعارى دەڭگەيدە دايىنداۋعا مۇمكىندىك بەرەدى. سونداي-اق، ورتالىقتا دارىندى بالالاردىڭ قاتىسۋىمەن عىلىمي-پراكتيكالىق جۇمىستار جۇرگىزىلەدى. ودان بولەك، ءبىز مامانداندىرىلعان ءبىلىم بەرۋ ۇيىمدارىمەن جۇمىس شەڭبەرىندە اككرەديتاسيا جۇيەسىن ىسكە قوسۋدى جوسپارلاپ وتىرمىز»، - دەدى ءانۋار ۇنايبەكوۆ ق ر وقۋ-اعارتۋ مينيسترلىگىندە وتكەن اپپارات جينالىسىندا.
سونىمەن قاتار مەكەمە باسشىسى «دارىن» ورتالىعىنىڭ 25 جىلدىعىنا وراي قازاقستان وليمپياداشىلارىنىڭ سلەتى وتەتىنى تۋرالى تىلگە تيەك ەتتى.
«ماركەتينگتىك جۇمىس اياسىندا حالىقارالىق وليمپيادا جۇلدەگەرلەرىنىڭ سۋرەتتەرىن ەلوردانىڭ ورتالىق ساياباعىنداعى اتىراۋ كوپىرىنە ورنالاستىرۋعا رۇقسات الدىق. جاقىن ارادا دارىندى بالالارىمىزدىڭ سۋرەتتەرى ىلىنەدى. سول سياقتى سوڭعى 30 جىل ىشىندە رەسپۋبليكالىق جانە حالىقارالىق وليمپيادا جۇلدەگەرلەر سانىنىڭ قانشالىقتى وسكەنىن ەسەپتەدىك»، - دەيدى ول.