توقايەۆ قازاقستاندا CryptoCity قۇرىلاتىنىن جاريالادى، دەپ حابارلايدى aqshamnews.kz اقورداعا سىلتەمە جاساپ.
استانا حالىقارالىق فورۋمىنىڭ (AIF) پلەنارلىق وتىرىسىنىڭ اشىلۋىندا ءسوز سويلەگەن پرەزيدەنت قاسىم-جومارت توقايەۆ:
"ءبىز ادام كاپيتالىنا ينۆەستيسيا سالىپ، جاس مامانداردىڭ قالىپتاسۋىنا جاعداي جاسايمىز. ەڭ باستى مىندەتىمىز – ايماقتار اراسىنداعى الشاقتىقتى ازايتۋ جانە ورتا تاپتى نىعايتۋ. سول سەبەپتى سيفرلىق تەحنولوگيا مەن جاساندى ينتەللەكتىدەن باستاپ جاسىل ەنەرگەتيكا مەن قوسىمشا قۇنى جوعارى وندىرىسكە دەيىنگى نەگىزگى سەكتورلارداعى الەۋەتىمىزدى كۇشەيتە بەرەمىز"، - دەدى.
پرەزيدەنتتىڭ ايتۋىنشا، ءبىز سيفرلىق ترانسفورماسيادا ەلەۋلى تابىسقا قول جەتكىزدىك. ماقساتىمىز – ەۋرازياداعى جەتەكشى IT حابقا اينالۋ.
"اسىرەسە، جاساندى ينتەللەكتىنى دامىتۋعا ايرىقشا ءمان بەرىپ وتىرمىز. ءبىرقاتار شەتەلدىك ۋنيۆەرسيتەتتىڭ فيليالى بار، زەرتتەۋ مەن ازىرلەۋ سالاسىنداعى سەرىكتەستىك جولعا قويىلعان اكادەميالىق جانە يننوۆاسيالىق حابقا اينالعىمىز كەلەدى. قازاقستان ەڭ قۋاتتى سۋپەركومپيۋتەردى ىسكە قوسۋعا كىرىستى. ءقازىردىڭ وزىندە بۇل جۇمىس باستالىپ كەتتى. بۇدان بولەك، سryptoCity دەپ اتالاتىن جاڭا پيلوتتىق جوبانى جۇزەگە اسىرۋدى جوسپارلاپ وتىرمىز. مۇندا كريپتوۆاليۋتانى ازىق-تۇلىك ساتىپ الۋعا، قىزمەت تولەمىنە جانە باسقا دا ماقساتتاردا پايدالانۋعا جاعداي جاسالادى"، - دەدى مەملەكەت باسشىسى.