ءۇي جانۋارلارىنىڭ قاتىسى بار وسىنداي وقيعا سالدارىنان 33 ادامنىڭ ءومىرى قيىلعان
«قازاقاۆتوجول» كومپانياسىنىڭ باسپا ءسوز قىزمەتى ءمالىم ەتكەندەي، 2021 جىلى يەن جۇرگەن مالدى كولىك قاعىپ كەتۋدىڭ 109 دەرەگى تىركەلگەن. ودان 139 ادام زارداپ شەگىپ، 30 ادام قازا تاپتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«2022 جىلدىڭ ءبىرىنشى توقسانىندا وسىنداي 11 جول-كولىك وقيعاسى تىركەلدى، وندا 15 ادام ءتۇرلى دەنە جاراقاتتارىن السا، 3 ادام قايتىس بولدى»، - دەدى «قازاقاۆتوجول» الماتى وبلىستىق فيليالىنىڭ باس ينجەنەرى بەرىك سارقىتبايەۆ.
ونىڭ ايتۋىنشا، رەسپۋبليكالىق ماڭىزى بار جولداردىڭ بويىندا مالدىڭ جولعا شىعۋىنا كەدەرگى كەلتىرەتىن 855،331 شاقىرىم قورعانىس قورشاۋ ورناتىلدى.
«وسى باعىتتا رەسپۋبليكالىق ماڭىزى بار جولدارداعى قاۋىپسىزدىكتى قامتاماسىز ەتۋ ماقساتىندا رەسپۋبليكالىق اكسيا ىسكە قوسىلدى، ونىڭ شەڭبەرىندە سەرىكتەستىك ءۇي جانۋارلارىن باقىلاۋسىز جايۋ ءقاۋپى تۋرالى جادىناما ازىرلەپ، ءۇي جانۋارلارىنىڭ يەلەرىمەن جەكە كەزدەسۋلەر مەن ءتۇسىندىرۋ جۇمىستارىن جۇرگىزۋدە. سونداي-اق، اكسيا اياسىندا ءۇي جانۋارلارىنا ارنالعان جارىق شاعىلىستىراتىن لەنتالار تاراتىلىپ بەرىلىپ جاتىر»،- دەيدى سپيكەر.
بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز https://www.inform.kz/kz/kazakstanda-bir-zhylda-uy-zhanuarlarynyn-kesirinen-bolgan-zhol-apatynan-30-adam-olgen_a3932755