قازاقستاندا بوكەندەردى اتۋعا قاتىستى شەشىم ءبىر ايدىڭ ىشىندە قابىلدانادى

كيىكتەردىڭ سانى ءقاۋىپتى كولەمنەن استى.

كيىكتەردى اتۋعا قاتىستى شەشىم ءبىر ايدىڭ ىشىندە قابىلدانادى. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا باتىس قازاقستان وبلىسىنىڭ اكىمى عالي ەسقالييەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«سوڭعى ۋاقىتتا بۇل سۇراقتى تىلشىلەر قاۋىمى ءجيى قوزعاپ جاتىر. «كيىكتەردى اتۋ، اتپاۋدى نەگە مينيسترلىك قانا شەشۋ كەرەك؟» دەپ جاتقاندار دا بار. مەنىڭشە، مينيسترلىك تە، ءبىز دە جاۋاپتى بولۋىمىز كەرەك. 2023 جىلعا دەيىن ەلىمىزدە كيىك اتۋعا موراتوريي بولعانى بارشاڭىزعا ايان. تاياۋدا وسى مالەسەگە ارنالعان جيىن ءوتىپ، وندا ءموراتورييدىڭ ءوز ماقساتىنا جەتكەنى ايتىلدى. ياعني كيىكتەردىڭ سانى ءقاۋىپتى كولەمنەن استى. ۇكىمەتتىڭ قاۋلىسىنا سايكەس، بيىل 1 شىلدەدەن باستاپ رەزەرۆات اشىلۋى ءتيىس»، - دەدى عالي ەسقالييەۆ. 

وبلىس باسشىسىنىڭ ايتۋىنشا، كيىكتەردى اتۋعا قاتىستى شەشىم ءبىر ايدىڭ كولەمىندە قابىلدانادى. 

«ارينە، الدىمەن كيىكتەردىڭ پوپۋلياسياسىن جوعالتپاۋىمىز كەرەك. رەزەرۆاتتىڭ ماقساتى – كيىكتەردىڭ سانىن ارتتىرۋ ەمەس، پوپۋلياسياسىن ساقتاپ قالۋ. ساراپشىلاردىڭ پىكىرىنشە شامامەن 150-200 مىڭ باس كيىكتى ساقتاپ قالۋ كەرەك. ودان بولەك، كيىكتەردىڭ سانىن ءبىز رەتتەۋىمىز قاجەت. كيىكتەردىڭ كوبەيۋى اۋىل شارۋاشىلىعىنا دا زاردابىن تيگىزىپ جاتىر. سوندىقتان بۇل ماسەلە شەشىلۋى ءتيىس. كيىكتەردى اتۋعا قاتىستى شەشىم 1 ايدىڭ ىشىندە قابىلدانادى»، - دەيدى ول. 

بۇعان دەيىن ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ كيىكتەردى اتۋعا رۇقسات بەرىلۋى مۇمكىن ەكەنىن ايتقان ەدى.