قازاقستاندا ءبىرىڭعاي ۋاقىت بەلدەۋى ەنگىزىلەتىن بولدى.
بۇعان دەيىن عالىمدار مەن ساراپشىلاردىڭ قىزۋ تالقىسىندا بولعان ماسەلەگە ساۋدا جانە ينتەگراسيا مينيسترلىگى نۇكتە قويدى، دەپ حابارلايدى Almaty-akshamy.kz.
ءقازىر ءتيىستى تۇزەتۋلەر جوباسى دايىندالدى. ەندى 2024 جىلدىڭ 29 اقپانىنان 1 ناۋرىزعا قاراعان ءتۇنى ساعات 00:00-دە استانا، الماتى، شىمكەنت، اباي، اقمولا، جامبىل، جەتىسۋ، قاراعاندى، قوستاناي، پاۆلودار، سولتۇستىك قازاقستان، تۇركىستان، ۇلىتاۋ جانە شىعىس قازاقستان وبلىستارى جەرگىلىكتى ۋاقىتتى 1 ساعاتقا ارتقا جىلجىتادى. وسىلايشا، ەلىمىزدىڭ بارلىق ايماعى 5ء-شى ساعاتتىق بەلدەۋدە ورنالاسادى.
«مىسالى قوستانايدا جازدا 11-گە دەيىن كۇن باتپايدى. 11-دەن كەيىن عانا 12-گە جاقىن كۇن باتا باستايدى. ءبىرىڭعاي بەلدەۋ بولعاسىن باسقارۋ جانە ەكونوميكالىق جاقتان وڭ اسەر ەتەدى. ەكىنشى جاقتان دەنساۋلىققا وڭ اسەر ەتەدى»، - دەيدى ق ر پارلامەنتى ءماجىلىسىنىڭ دەپۋتاتى ەركىن ءابىل.