كامەلەت جاسىنا تولماعاندار اراسىنداعى جاعدايعا جانە ولاردىڭ قۇقىقتارىن قورعاۋعا قاتىستى «جاسوسپىرىمدەردىڭ قۇقىقتىق ساناسىن ارتتىرۋ، قوعامنىڭ نەگىزگى قۇندىلىقتارى، «زاڭ جانە ءتارتىپ» قاعيداتىن ساقتاۋ» تاقىرىبىندا جينالىس ءوتتى.
جينالىسقا الاتاۋ اۋدانى اكىمىنىڭ ورىنباسارى، اۋدان پروكۋرورى، يۋۆەنالدى پوليسيا ءبولىمىنىڭ باستىعى، اتا-انالار، وقىتۋشىلار، پسيحولوگتار، ارداگەر-پەداگوگتار قاتىستى، دەپ حابارلايدى almaty-akshamy.kz.
– كامەلەت جاسقا تولماعان بالالاردىڭ اراسىنداعى ماسەلەلەر ءورشىپ تۇر. وسىعان بايلانىستى قىلمىس جاساۋ، بۋللينگپەن اينالىسۋ جانە زاڭ بۇزۋشىلىق فاكتورلارى كوبەيىپ كەتكەن. وسى ورايدا اكىمشىلىك تاراپىنان جاسوسپىرىمدەرگە قاتىستى كوميسسيا جۇمىس جاساپ تۇر. وسى جىلدىڭ باسىنان بەرى 26 جينالىس وتكىزىپ، 100-دەن اسا بالانىڭ قۇقىعىن قورعاپ، ارنايى شەشىمدەر شىعاردى. كوميسيا مۇشەلەرى 30 جۋىق مەكتەپ جاسىنداعى بالالاردىڭ مەكتەپكە بارماعانىن انىقتاپ، وقۋ ورىندارىنا ورنالاستىردى. اتا-انالارىنا بالالارىنا دۇرىس قاراماعانى ءۇشىن ايىپپۇل سالىندى. الاداعى ۋاقىتتا دا جاسوسپىرىمدەردىڭ قۇقىعىن قورعاۋدى جالعاستىرامىز، – دەدى الاتاۋ اۋدانى اكىمىنىڭ ورىنباسارى بەكتاس ەرلان ۇلى.
ءىس-شارا بارىسىندا قاتىسۋشىلارعا كامەلەتكە تولماعاندار اراسىنداعى قۇقىق بۇزۋشىلىقتار بويىنشا ستاتيستيكا، ولاردىڭ نەگىزگى سەبەپتەرى، قابىلدانىپ جاتقان شارالار ۇسىنىلدى، سونداي-اق وقۋشىلار اراسىندا بۋللينگ فاكتىلەرىن انىقتاۋعا ارنالعان جانە اۋداننىڭ بارلىق مەكتەپتەرىندە پايدالانۋ ءۇشىن ارنايى QR-كودتى ەنگىزۋ بويىنشا «سەنىم بۇرىشى» اۆتورلىق جوباسى ۇسىنىلىپ، وسى جوبانى بارلىق مەكتەپتەردە ەنگىزۋ ماسەلەلەرى ۇسىنىلدى.
– مەكتەپ وقۋشىلىرانىڭ اراسىنداعى قۇقىق بۇزۋشىلىقتىڭ الدىن الۋ ماقساتىندا ءىس شارا وتكىزىپ وتىرمىز. ءبىز وسى ورايدا «سەنىم بۇرىشى» جوباسىن ويلاپ تاپقان بولاتىنبىز. بۇل ۇلكەن اۆتورلىق جوبا قالامىزدىڭ 200 اسا مەكتەبى، 50 جۋىق كوللەدجدەرى قولدانىلىپ وتىر. جوبا وتە ءتيىمدى بولىپ تابىلادى، بۋللينگ، قۇقىق بۇزۋشىلىق پەن ءسۋيسيدتىڭ الدىن الىپ ۇلگەرۋگە مۇمكىندىك بەرەدى. مەكتەپتىڭ بارلىق جەرىنە وقۋشىلارعا ىڭعايلى بولۋ ءۇشىن QR-كودى قويىلدى. وقۋشىلىرادىڭ حابارلارى ءبىزدىڭ مەكتەپ اكىمشىلىگىنە بىردەن كەلىپ تۇسەدى، سول ارقىلى كوپتەگەن قۇقىق بۇزۋشىلىقتىڭ الدىن الامىز، – دەدى №204جىلپى ءبىلىم بەرەتىن مەكتەپ ديرەكتورى گۇلجان مىرزالى قىزى.
