قازاقستاندا بىرلەسكەن زەينەتاقى اننۋيتەتىن ەنگىزۋ جوسپارلانۋدا

مۇنداي مۇمكىندىك ەرلى-زايىپتىلارعا، جاقىن تۋىستارعا بەرىلەدى

بۇل تۋرالى ءماجىلىس وتىرىسىندا ەلىمىزدىڭ قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسى ءمادينا ءابىلقاسىموۆا مالىمدەدى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.

قازاقستاندىقتاردىڭ زەينەتاقى جيناقتارىن بىرىكتىرە الاتىن جاڭا زاڭ جوباسىن پارلامەنتتىڭ تومەنگى پالاتاسىنىڭ دەپۋتاتتارى ءبىرىنشى وقىلىمدا ماقۇلدادى.

«ەگەر ەرلى-زايىپتىلاردىڭ بىرىندە زەينەتاقى جيناعى جەتپەي، ال ەكىنشىسىندە ارتىق بولسا، ولار زەينەتاقى جيناقتارىن قوسىپ، زەينەتاقى اننۋيتەتىن ساتىپ الا الادى»، - دەدى ق ر قارجى نارىعىن رەتتەۋ جانە دامىتۋ اگەنتتىگىنىڭ ءتورايىمى ءمادينا ءابىلقاسىموۆا.

بيىلعى جىلدان باستاپ قازاقستاندا زەينەتاقى اننۋيتەتى ايتارلىقتاي ارزانداعانىن ايتا كەتكەن ءجون. ەندى ونى الۋ ءۇشىن ەر ادامدارعا 6،7 ملن تەڭگە، ال ايەلدەرگە 9 ملن تەڭگە جيناۋ كەرەك. اننۋيتەتتىك تولەمدەردى ساقتاندىرۋ كومپانياسى ءومىر بويى اي سايىنعى نەگىزدە جانە جىل سايىن يندەكستەۋمەن، ياعني جىل سايىن كەم دەگەندە 5% وسۋمەن جۇزەگە اسىرادى.