ونىڭ 1 851ء-ى تاۋلىك ىشىندە اشىلدى.
ق ر ىشكى ىستەر مينيسترلىگىنىڭ باسپا ءسوز وكىلى شۇعىلا تۇرلىبەك ءبىر اپتا ىشىندە رەسپۋبليكا اۋماعىندا 2 941 قىلمىس جاسالعانىن ايتتى، دەپ حابارلايدى Almaty-akshamy.kz
«ونىڭ 1 851ء-ى تاۋلىك ىشىندە اشىلدى. پوليسيا قىزمەتكەرلەرى ءىزىن سۋىتپاي 9 كىسى ءولتىرۋدى، 1 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى، 54 توناۋ جانە 457 بوتەن مۇلىكتى ۇرلاۋ قىلمىستارىن اشتى»، - دەدى مينيسترلىك باسپا ءسوز قىزمەتىنىڭ وكىلى.
سونىمەن قاتار شۇعىلا تۇرلىبەك جىل سايىن كولىك اپاتىنان ەكى مىڭنان استام ادام قازا تاۋىپ، 18 مىڭعا جۋىق ازامات جاراقات الاتىندىعىن اتاپ ءوتتى. «سەرگەك» كامەراسىنىڭ بۇل قاۋىپتەردى ازايتۋ باعىتىندا قولدانىلۋ جايىنا توقتالدى.
«تاراپتار جول قاۋىپسىزدىگى مەن جول ءجۇرىسى قاعيدالارىن بۇزۋشىلىقتاردى انىقتاۋ جانە ءتۇرلى قىلمىستاردى اشۋدا بەينەتىركەۋ كامەرالارىنىڭ تيىمدىلىگىن تالقىلادى. «سەرگەك» جۇيەسىنىڭ كەلەسىدەي ەرەكشەلىكتەرى بار: جىلدامدىقتى وپتيكالىق انىقتاۋ، ماشينالاردى ىزدەۋ، تاۋلىكتىك بەينەباقىلاۋ، بەينەجازبالاردى ساقتاۋ جانە تالداۋ، قۇقىقبۇزۋشىلىقتاردى انىقتاۋ، باسقا كامەرالارمەن جانە مەملەكەتتىك جۇيەلەرمەن بايلانىس. جۇرگىزىلىپ جاتقان جۇمىستاردىڭ ارقاسىندا جانە «سەرگەك» كامەرالارىنىڭ كومەگىمەن جول-كولىك اپاتىنان بولاتىن ءولىم-جىتىم مەن قوعامدىق ورىندارداعى قىلمىس دەڭگەيى ايتارلىقتاي ازايدى»، - دەدى ول.