قاۋىپسىزدىك پەن دەنساۋلىق ساقتاۋ كورسەتكىشى ورتاشا.
قازاقستان ءومىر ءسۇرۋ ساپاسى بويىنشا 83 ەلدىڭ ىشىندە 72ء-شى ورىنعا يە بولدى، دەپ حابارلايدى aqshamnews.kz
Numbeo.com پورتالى جۇرگىزگەن زەرتتەۋگە سۇيەنسەك، ەلىمىزدىڭ ەڭ تومەنگى كورسەتكىشكە ءتۇسۋى ءبىرىنشى رەت ەمەس. ماسەلەن، 2023 جىلى قازاقستان 74ء-شى ورىندا بولسا، 2022 جىلى 76-شى ورىنعا جايعاستى.
Numbeo.com زەرتتەۋدى ەلدىڭ ءومىر ءسۇرۋ قۇنى، ساتىپ الۋ قابىلەتى، قاۋىپسىزدىك، ەكولوگيا جانە ءارتۇرلى الەۋمەتتىك اسپەكتىلەر بويىنشا جۇرگىزەدى.
دامىعان ەلدەرمەن سالىستىرعاندا قازاقستاننىڭ ساتىپ الۋ قابىلەتى تومەن، باسپاناسى قىمبات، ەكولوگياسى ناشار.
ءبىر عانا جاعىمدى كورسەتكىش: ەلىمىزدە ءومىر ءسۇرۋ قۇنى سالىستىرمالى تۇردە تومەن، قاۋىپسىزدىك پەن دەنساۋلىق ساقتاۋ كورسەتكىشى ورتاشا دەڭگەيدە.