2022 جىلعى قاڭتاردا رەسپۋبليكا بويىنشا جاڭا تۇرعىن ءۇيدىڭ 1 شارشى مەترى 386 358 تەڭگەگە باعالانعان، بۇل وتكەن ايمەن سالىستىرعاندا 2،1 پايىزعا قىمبات.
ۇلتتىق ستاتيستيكا بيۋروسىنىڭ مالىمەتى بويىنشا، ەلوردادا قاڭتاردا ءبىر شارشى مەتر 2،4%-عا قىمباتتاپ، 490 796 تەڭگە بولسا، الماتى قالاسىندا پاتەردىڭ 1 شارشى مەترى 421 725 تەڭگەگە (+1،6%) جەتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
تۇركىستان وبلىسىندا (7،9%)، كوكشەتاۋدا (5،5%) جانە اقتوبەدە (4،2%) تۇرعىن ءۇي باعاسىنىڭ تىم شارىقتاپ كەتكەنىن بايقاۋعا بولادى.
پاتەرلەردى قايتا ساتۋ باعاسى ورتا ەسەپپەن 409 177 تەڭگە (1 شارشى مەترى) بولىپ، وتكەن ايمەن سالىستىرعاندا 2،8%-عا ءوستى.
تۇرعىن ءۇيدى جالداۋ اقىسى شارشى مەترىنە 3 395 تەڭگەگە جەتىپ، 5،2%-عا ءوستى.
تۇرعىن ءۇيدى جالداۋ اقىسى نۇر-سۇلتان، الماتى، اقتاۋ جانە شىمكەنتتە شارىقتاپ تۇر.