قازاقستاندا جىلدىق ءتيىمدى سىياقى مولشەرلەمەسىنىڭ شەكتى دەڭگەيلەرى ايقىندالدى.
بۇل تۋرالى قارجى نارىعىن رەتتەۋ جانە دامىتۋ اگەنتتىگى مەن ۇلتتىق بانكتىڭ بىرلەسكەن قاۋلىسىندا كورسەتىلگەن، - دەپ حابارلايدى Aqshamnews.kz.
وسىلايشا، بانكتىك قارىزدار بويىنشا ەڭ جوعارى جىلدىق مولشەرلەمەلەر بەلگىلەندى:
– كەپىلسىز بانكتىك قارىزدار بويىنشا – 46%؛
– كەپىلمەن قامتاماسىز ەتىلگەن بانكتىك قارىزدار بويىنشا – 35%؛
– يپوتەكالىق تۇرعىن ءۇي قارىزدارى بويىنشا – 25%.
ميكروقارجىلىق قىزمەتتى جۇزەگە اسىراتىن ۇيىمدار بەرەتىن ميكروكرەديتتەر بويىنشا جىلدىق ءتيىمدى سىياقى مولشەرلەمەسى 46%-دان اسپاۋى ءتيىس.
ال مەرزىمى 45 كۇنگە دەيىنگى جانە سوماسى 45 ايلىق ەسەپتىك كورسەتكىشتەن اسپايتىن ميكروكرەديتتەر بويىنشا مولشەرلەمە تاۋلىگىنە 0،3%-دان، ال جىلدىق ەسەپپەن 179%-دان جوعارى بولماۋى قاجەت.