وسىلاي دەگەن دەنساۋلىق ساقتاۋ مينيسترلىگىنىڭ وكىلدەرى بۇل جوبانى الداعى تامىز ايىنان باستاپ قولدانىسقا ەنگىزبەك.
سەبەبى، بۇل قۇجاتتى قاعاز تۇرىندە بولسا - ەمحانالاردا ۇزاق كەزەك كۇتۋگە تۋرا كەلەدى نەمەسە دەرەكتەر جوعالىپ كەتۋى مۇمكىن، دەپ حابارلايدى almaty-akshamy.kz.
بۇل اتا-انالار ءۇشىن دە ءتيىمدى. ەلەكتروندىق پاسپورت بولسا - «eGov Mobile» مەن «eDensaulyq» ەلەكتروندىق قىزمەتتەرى ارقىلى بالانىڭ دەنساۋلىعى تۋرالى اقپاراتقا تەز قول جەتكىزۋگە بولادى، دەيدى ۆەدوموستۆا وكىلدەرى.
ق ر دەنساۋلىق ساقتاۋ مينيسترلىگى مەديسينالىق قىزمەتتەردى سيفرلاندىرۋ بويىنشا جۇمىستىڭ شەڭبەرىندە بالانىڭ دەنساۋلىق پاسپورتىن ەلەكتروندىق فورماتقا كوشىرۋ جوباسىن ازىرلەدى. اتا-انالار بۇل قۇجاتتى ءبىرىنشى سىنىپقا تۇسكەن كەزدە مىندەتتى تۇردە مەكتەپكە ۇسىنادى، بۇل جىل سايىن 380 مىڭنان استام بالانى قۇرايدى.
بالانىڭ دەنساۋلىق پاسپورتى دەنساۋلىقتى نىعايتۋعا، اۋرۋلاردىڭ الدىن الۋعا جانە كىشكەنتاي پاسيەنتتەردى ەمدەۋگە باعىتتالعان پروفيلاكتيكالىق ءىس-شارالار تۋرالى اقپاراتتى قامتيتىن نەگىزگى قۇجات بولىپ تابىلادى.
بۇل قۇجاتتى قاعاز جۇزىندە جۇرگىزۋ كوبىنەسە ونىڭ جوعالۋىنا نەمەسە وزەكتى دەرەكتەردى جوعالتىپ الۋعا، ەمحانالاردا ۇزاق كۇتۋگە اكەلدى. وسى پروبلەمالارعا جاۋاپ رەتىندە دەنساۋلىق ساقتاۋ مينيسترلىگى وقۋ-اعارتۋ مينيسترلىگىمەن بىرلەسىپ، بالانىڭ دەنساۋلىق پاسپورتىن ەلەكتروندىق فورماتقا اۋىستىرۋعا كىرىستى.
دەنساۋلىق ساقتاۋ مينيسترلىگىنىڭ اقپاراتتىق جۇيەلەرىن تەستىلەۋ كەزىندە بالانىڭ 72 ەلەكتروندىق دەنساۋلىق پاسپورتى (052-2/ە نىسانى) قالىپتاستىرىلدى. EGov Mobile-مەن ەلەكتروندىق پاسپورتتى ينتەگراسيالاۋ پروسەسىنىڭ اياقتالۋىنىڭ جوسپارلانعان كۇنى - 2024 جىلعى تامىز.
اتا-انالار ءۇشىن ەلەكتروندىق پاسپورتتى ەنگىزۋ قاعازباستىلىقتى ازايتۋدى جانە eGov Mobile جانە eDensaulyq ەلەكتروندىق قىزمەتتەرى ارقىلى بالالارىنىڭ دەنساۋلىعى تۋرالى اقپاراتقا ىڭعايلى قول جەتكىزۋدى بىلدىرەدى. ءبىلىم بەرۋ مەكەمەلەرى وقۋشىلاردىڭ دەنساۋلىق جاعدايى تۋرالى وزەكتى دەرەكتەردى جەدەل الا الادى، ولار ەمحانالاردا مەديسينالىق قاراپ-تەكسەرۋدەن كەيىن اۆتوماتتى تۇردە بەرىلەتىن بولادى.