7 مىڭعا جۋىق وقۋشى تەاترعا باردى.
قازاقستان ۇكىمەتى وسكەلەڭ ۇرپاقتى تەاتر ونەرى الەمىنە تارتۋ ماقساتىندا الماتى مەن نۇر-سۇلتان قالاسىندا «بالالار مەن تەاتر» اتتى اعارتۋشىلىق پيلوتتىق جوبا ىسكە قوسىلدى. بۇل تۋرالى ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى گۇلميرا كارىموۆا ءمالىم ەتتى، دەپ حابارلايدى Almaty-akshamy.kz Egemen.kz سىلتەمە جاساپ.
«نۇر-سۇلتان جانە الماتى قالاسىندا جەرگىلىكتى بيۋدجەت ەسەبىنەن وقۋشىلاردى جەڭىلدەتىلگەن تەاتر ابونەمەنتىمەن قامتاماسىز ەتۋ بويىنشا «بالالار مەن تەاتر» اعارتۋشىلىق پيلوتتىق جوباسى ىسكە قوسىلدى. مىسالى، نۇر-سۇلتان قالاسىندا اتالعان جوبا اياسىندا 7 مىڭعا جۋىق وقۋشى تەاترعا باردى. وسى جوبانى ودان ءارى جالعاستىرۋ ماقساتىندا نۇر-سۇلتان قالاسىنىڭ ءبىلىم جانە مادەنيەت باسقارماسى ەكىجاقتى مەموراندۋمعا قول قويدى»، - دەلىنگەن مالىمدەمەدە.