بۇل كورسەتكىش تومەندەي باستادى.
دەنساۋلىق ساقتاۋ ءمينيسترى اجار عينيات ماجىلىستە وتكەن باسپا ءسوز ءماسليحاتىندا ەلىمىزدە بالالار اراسىندا كوروناۆيرۋس جۇقتىرۋ جاعدايلارى ازايعانىن جەتكىزدى، دەپ حابارلادى Almaty-akshamy.kz
«بالالار اراسىندا كوروناۆيرۋس جۇقتىرۋ جاعدايلارى ءالى دە بار. دەسەك تە، سوڭعى ايلاردا كورسەتكىش تومەندەي باستادى. سەگىز ايدىڭ ىشىندە سەگىز مىڭعا جۋىق بالا كوروناۆيرۋستىق ينفەكسيامەن اۋىردى، بۇگىندە سىرقاتتانۋشىلىقتىڭ تومەندەۋى بايقالادى»، - دەدى اجار عينيات جۋرناليستەردىڭ سۇراقتارىنا جاۋاپ بەرە وتىرىپ.
ءمينيستردىڭ ايتۋىنشا، قازىرگى ۋاقىتتا كوروناۆيرۋس جۇقتىرعان 100-دەن استام ناۋقاس ستاسيونارلاردا ەمدەلىپ جاتىر.
«نەگىزىنەن ەرەسەكتەر اۋىرادى، بالالار اراسىندا ماۋسىمدىق ۆيرۋستىق ينفەكسيا تاراپ جاتىر. مەن بۇل كوروناۆيرۋستىق ينفەكسيا نەمەسە باسقا ءبىر جاڭا ينفەكسيا دەپ ايتا المايمىن. ءقازىر قازاقستاندا تۇماۋ مەن پاراگريپپكە دايىندالۋ، ۆاكسيناسيا ناۋقانى مەن اۋرۋدىڭ الدىن الۋ شارالارى جۇرگىزىلۋدە. كوپجىلدىق باقىلاۋلاردى ەسەپكە الساق، ماۋسىمدىق سىرقاتتانۋشىلىق قاراشا ايىندا كوتەرىلەدى»، - دەپ تۇيىندەدى اجار عينيات.