الماتىدا ۇرلىق ازايدى

وعان قوسا باسقا دا قىلمىستار سانى كەمىگەن.

الماتى قالاسىنىڭ پوليسەيلەرى 9 اي جۇمىسىنىڭ قورىتىندىسىن شىعارا وتىرىپ، پاتەر ۇرلىعى، قالتا ۇرلىعى، كولىك سالونىنان ۇرلىق جانە ينتەرنەت-الاياقتىق دەرەكتەرىنىڭ تومەندەۋىنىڭ وڭ ديناميكاسىن اتاپ ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.

سونىمەن قاتار، اۋىر، اسا اۋىر قىلمىستار، پاتەر توناۋ، كولىك سالونىنان ۇرلاۋ، قالتا ۇرلىعى، ينتەرنەت-الاياقتىق جانە تاعى دا باسقا قىلمىستاردى اشۋ جاقساردى.

سونداي-اق، زاڭسىز اينالىمنان 129 اتىس قارۋى، ونىڭ ىشىندە 21 تاپانشا، 15 كەسىلگەن شولاق مىلتىق، 75 مىلتىق، 4 «كالاشنيكوۆ» اۆتوماتى، 98 گراناتا جانە 400-دەن استام ءوق-دارى تاركىلەندى. ق ر قك-نىڭ 262-بابىنا سايكەس، ۇيىمداسقان قىلمىستىق توپتى قۇرۋ جانە باسقارۋ دەرەكتەرى بويىنشا 3 قىلمىستىق ءىس تىركەلدى.

الماتىدا جىل باسىنان بەرى 461 ەسىرتكى قىلمىسى انىقتالسا، ونىڭ 94ء-ى ەسىرتكىنىڭ زاڭسىز اينالىمىنا قاتىستى. زاڭسىز اينالىمنان 600 كەلىگە جۋىق ەسىرتكى، ونىڭ ىشىندە 398 كەلى ماريحۋانا، 84 كەلىدەن استام گاشيش، 15 كەلىگە جۋىق سينتەتيكالىق ەسىرتكى جانە 111 كەلىدەن استام باسقا دا ەسىرتكى زاتتارى تاركىلەندى.