قازاقستاندا ازىق-تۇلىك باعاسى كۇننەن-كۇنگە شارىقتاپ بارادى

وتكەن اپتادا الەۋمەتتىك ماڭىزى بار ازىق-تۇلىك تاۋارلارىنا باعالار 0،3%-عا، جىلدىق ماندە 23،6%-عا كوتەرىلدى.

مۇنداي مالىمەتتى ۇلتتىق ستاتيستيكا بيۋروسى كەلتىرگەن، دەپ حابارلايدى Almaty-akshamy.kz.

«الەۋمەتتىك ماڭىزى بار ازىق-تۇلىك تاۋارلارىنىڭ تىزبەسىنە 19 اتاۋ كىرەدى. باعا وزگەرىسى تۋرالى كورسەتكىشتەر اپتا سايىن جاڭارىپ وتىرادى. باعانىڭ وزگەرۋى تۋرالى اقپارات بارلىق وبلىس ورتالىعىنان، رەسپۋبليكالىق ماڭىزى بار قالالاردان جانە استانادان جينالادى. ول ءۇشىن ەلدى مەكەننىڭ ءارتۇرلى بولىكتەرىندە ورنالاسقان تاۋارلاردىڭ كەڭ اسسورتيمەنتى بار ءارتۇرلى تيپتەگى ساۋدا وبەكتىلەرى (گيپەرماركەتتەر، سۋپەرماركەتتەر، دۇكەندەر، كوممۋنالدىق بازارلار، الەۋمەتتىك دۇكەندەر مەن پاۆيلوندار) تاڭدالادى»، – دەلىنگەن حابارلامادا.

ق ر بويىنشا الەۋمەتتىك ماڭىزى بار كەيبىر تاۋارلاردىڭ ورتاشا باعاسى /2023 جىلعى 14 اقپان/:

ءسۇت 2،5% – 353 تگ/ل

قانت – 459 تگ/كگ

ءسابىز – 152 تگ/كگ.

ەلىمىزدە  ينفلياسيا قارقىنى ۇدەي ءتۇستى. ۇلتتىق بانكتىڭ مالىمەتىنشە، 2023 جىلعى قاڭتاردا ەلدەگى جىلدىق ينفلياسيا 20،7%-دى (2022 جىلعى جەلتوقساندا – 20،3%) قۇرادى. وڭىرلەر بويىنشا 19 وبلىستا ينفلياسيا ۇدەپ، تەك 1 وبلىستا عانا (قاراعاندى ​​وبلىسى) باسەڭدەگەن.