قازاقستاندا ق ر قىلمىستىق-پروسەستىك كودەكسىنە القابيلەردىڭ قاتىسۋىمەن سوت قارايتىن ىستەردىڭ ساناتتارىن كەڭەيتۋ بويىنشا تۇزەتۋلەر ەنگىزۋ جوسپارلانىپ وتىر
2023 جىلدىڭ 1 قاڭتارىنان باستاپ زاڭ كۇشىنە ەنگەننەن كەيىن القابيلەر سوتتالۋشى ءوتىنىش بىلدىرسە، اسا اۋىر قىلمىستار تۋرالى بارلىق ءىستى قارايدى، دەپ حابارلايدى Almaty-akshamy.kz
بۇگىندە قازىلار القاسى 14 قۇرامدى قاراسا، 2023 جىلدىڭ 1 قاڭتارىنان باستاپ 30 قۇرام قوسىلادى. تۇزەتۋلەردى قابىلداۋ ناتيجەسىندە القابيلەر سوتىندا 44 اۋىر جانە اسا اۋىر قىلمىس قارالاتىن بولادى.
مىسالى، 2024 جىلدان باستاپ القابيلەردىڭ قاتىسۋىمەن مىناداي اۋىر قىلمىس تۇرلەرى قاراستىرىلادى دەپ جوسپارلانىپ وتىر:
-
ازاپتاۋ، جۇكتى ايەلدەردى، كامەلەتكە تولماعانداردى ازاپتاۋدى قولدانا وتىرىپ قورلاۋ؛
-
مال ۇرلاۋ؛
-
قارۋ قولدانۋ ارقىلى جاسالعان بۇزاقىلىق؛
-
زاڭسىز اڭشىلىق؛
-
كولىكتى ماس كۇيىندە جۇرگىزۋ.
ستاتيستيكاعا سايكەس، 2021 جىلى 85 ادام قاتىسقان 59 القابيلەر سوتى بولدى. ونىڭ 78ء-ى سوتتالىپ، 7-ەۋى اقتالدى.
تۇزەتۋلەردى ازىرلەۋشىلەردىڭ پىكىرىنشە، ۇسىنىلىپ وتىرعان وزگەرىستەردىڭ سوت جۇيەسىن دەموكراتيالاندىرۋ، سوتتارعا سەنىم دەڭگەيىن ارتتىرۋ، ازاماتتىق قوعامنىڭ سوت تورەلىگىن جۇزەگە اسىرۋعا قاتىسۋى، قۇقىقتىق مادەنيەت پەن قۇقىقتىق سانانى ارتتىرۋ سياقتى وڭ سالدارى بولادى.
قۇجات قوعامدىق تالقىلاۋ ءۇشىن اشىق نقا ۆەب-سايتىندا جاريالانعان.