قازاقستاندا ازاماتتاردىڭ تۋۋى مەن ءولىمىن مەملەكەتتىك تىركەۋ قىزمەتى اقىلى بولۋى مۇمكىن

سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى ەل تۇرعىندارىنىڭ تۋۋىنان باستاپ ولىمىنە دەيىن تىركەۋ قىزمەتىن اقىلى ەتۋدى ۇسىنادى.

ءتيىستى بۇيرىق جوباسى 24 ساۋىرگە دەيىن اشىق نقا پورتالىندا قوعامدىق تالقىلاۋعا قويىلعان، دەپ حابارلايدى Almaty-akshamy.kz.

ەلىمىزدە بالانىڭ تۋۋىن مەملەكەتتىك تىركەۋ، اكە بولۋدى (انا بولۋدى) بەلگىلەۋگە، بالانى اسىراپ الۋعا، اتىن، تەگىن جانە اكەسىنىڭ اتىن وزگەرتۋگە بايلانىستى تۋۋدى مەملەكەتتىك تىركەۋ، سونداي-اق نەكە قيۋدى، ءوزارا كەلىسىم بويىنشا نەكەنى بۇزۋدى مەملەكەتتىك تىركەۋ اقىلى بولۋى مۇمكىن.

قوعامدىق تالقىعا شىعارىلعان بۇيرىقتىڭ قوسىمشاسىندا ازاماتتىق حال اكتىلەرىن مەملەكەتتىك تىركەۋ سالاسىنداعى جەكەلەگەن جۇمىستاردىڭ باعاسى كورسەتىلگەن.

قۇجاتقا سايكەس، بالانىڭ تۋۋىن مەملەكەتتىك تىركەۋ - 8 433،89 تەڭگە (ققس-پەن ەسەپتەگەندە)، نەكە قيۋدى (ەرلى-زايىپتىلىقتى) مەملەكەتتىك تىركەۋ - 9 667،42 تەڭگە (ققس-پەن ەسەپتەگەندە)، ءوزارا كەلىسىم بويىنشا نەكەنى بۇزۋدى مەملەكەتتىك تىركەۋ - 9 775،39 تەڭگە (ققس-پەن ەسەپتەگەندە)، ءولىمدى مەملەكەتتىك تىركەۋ - 8 833،58 تەڭگە (ققس-پەن ەسەپتەگەندە) كولەمىندە باج سالىعى تولەنەدى.

بۇيرىق جوباسى 24 ساۋىرگە دەيىن قوعامدىق تالقىلاۋدا.