قازاقستاندا اۋە تاسىمالى قىزمەتى قىمباتتادى

ءى توقساندا اۋە كولىگىمەن 2،7 ملن جولاۋشى تاسىمالداندى

2023 جىلعى ناۋرىز ايىمەن سالىستىرعاندا ساۋىردە اۋە بيلەتتەرىنىڭ قۇنى 17،7%-عا قىمباتتاعان. بۇل مالىمەتتى ۇلتتىق ستاتيستيكا بيۋروسى ۇسىندى، دەپ حابارلايدى Almaty-akshamy.kz.

اۋە كولىگىمەن تاسىمالداۋدان تۇسكەن كىرىس ءبىرىنشى توقساندا 151 ملرد تەڭگەنى قۇراپ، وتكەن جىلدىڭ سايكەس كەزەڭىمەن سالىستىرعاندا 1،5 ەسەگە كوبەيدى.

ايتا كەتەيىك، جولاۋشىلار تاڭداعان ەڭ تانىمال باعىت – الماتى قالاسى بولدى، وندا ءى توقساندا 893 مىڭ جولاۋشى تاسىمالدانعان، ودان كەيىن جولاۋشىلار ەلورداعا ءجيى ۇشقان – 722 مىڭ جولاۋشى، ءۇشىنشى تانىمال باعىت شىمكەنت قالاسى – 268 مىڭ جولاۋشى.

ۇلتتىق ستاتيستيكا بيۋروسىنىڭ مالىمەتىنشە، بيىلعى ءى توقساندا اۋە كولىگىمەن 2،7 ملن جولاۋشى تاسىمالداندى.

2023 جىلدىڭ قاڭتار-ناۋرىز ايلارىندا اۋە كولىگىمەن تاسىمالدانعان جولاۋشىلار سانى 2 724 مىڭ ادامدى قۇرادى. بۇل كورسەتكىش 2002 جىلعى ءتيىستى كەزەڭ كورسەتكىشىنەن 39،5%-عا ارتىق. وسىلايشا، جولاۋشىلار اينالىمى 2022 جىلعى قاڭتار-ناۋرىزبەن سالىستىرعاندا 1،7 ەسەگە ءوسىپ، 5 513،6 ملن پ-كم قۇرادى.