الماتى گۋمانيتارلى-ەكونوميكالىق ۋنيۆەرسيتەتىنىڭ ۇيىمداستىرۋىمەن ستۋدەنتتەر مەن جۇمىسسىز جاستارعا ارنالعان بوس جۇمىس ورىندارى جارمەڭكەسى ءوتتى، - دەپ حابارلايدى Almaty-akshamy.kz. Tengrinews.kz-كە سىلتەمە جاساپ.
جارمەڭكەگە 54 جۇمىس بەرۋشى قاتىسىپ، 100-دەن استام بوس ورىن ۇسىندى. جۇمىس بەرۋشىلەر رەتىندە: 25-تەن استام ءبىلىم بەرۋ ۇيىمدارىنىڭ (الماتى قالاسىنىڭ مەكتەپتەرى، ليسەيلەرى، گيمنازيالارى)، قۇقىق قورعاۋ جانە سوت ورگاندارىنىڭ، كولىك قىزمەتتەرى ۇيىمدارىنىڭ، الماتى قالاسىنىڭ اۋداندىق اكىمدىكتەرىنىڭ، بانك سالاسىنىڭ، سونداي-اق الماتى قالاسى بويىنشا حالىقتى جۇمىسپەن قامتۋ ورتالىعىنىڭ وكىلدەرى قاتىستى.
بوس ورىندار جارمەڭكەسى بارىسىندا جۇمىس بەرۋشىلەر ءوز كومپانيالارىنىڭ پرەزەنتاسيالارىن كورسەتىپ، بوس جۇمىس ورىندارىن ۇسىندى جانە ەڭ قولايلى كانديداتتاردىڭ جەكە بازاسىن قالىپتاستىردى.
ىزدەنۋشىلەر ءوز كەزەگىندە ۇيىمداردىڭ وكىلدەرىمەن تانىسىپ، اڭگىمەلەسىپ، ولارعا قىزىقتىرعان سۇراقتارىن قويا الدى.